ავსტრია ესპანეთის ცნობილი კურორტებიდან ჩამსვლელ მოგზაურებს შეზღუდვებს უწესებს

ავსტრია ესპანეთის დაქვემდებარებაში არსებული ბალეარის კუნძულებიდან ჩამსვლელი მოგზაურებისთვის შეზღუდვებს აწესებს, მათ შორის არის ისეთი ცნობილი კურორტები, როგორებიცაა მალიორკა და იბიცა. აღნიშნული გადაწყვეტილება ორშაბათიდან ამოქმედდება.

ავსტრიის კანცლერის, სებასტიან კურცის განცხადებით, ეს ნაბიჯი ამ არეალში კორონავირუსის შემთხვევების ზრდით არის განპირობებული.

შეზღუდვების თანახმად, ორშაბათიდან ბალეარის კუნძულებიდან ავსტრიაში ჩამსვლელ მგზავრებს კორონავირუსზე ტესტის უარყოფითი პასუხის წარდგენა ან ორკვირიანი კარანტინის გავლა მოუწევთ. ერთი კვირის წინ დანიამ და ავსტრიამ ესპანეთიდან ჩამსვლელ მგზავრებს შეზღუდვები დაუწესეს, თუმცა ბალეარისა და ჰავაის კუნძულები გამონაკლისს წარმოადგენდნენ.