პარტია „ალეკო ელისაშვილი - მოქალაქეების"  სახელით ქუთაისში მაჟორიტარობისთვის იოსებ კენჭაძე იბრძოლებს

ალეკო ელისაშვილმა პარტია "მოქალაქეების" სახელით, ქუთაისის ოლქის მაჟორიტარობის კანდიდატად იოსებ კენჭაძე წარადგინა. ამის შესახებ "ინტერპრესნიუსს" პარტიიდან აცნობეს.

იოსებ კენჭაძემ თანაქალაქელებს სიტყვით მიმართა და ის მიზეზები დაასახელა, რატომაც გადაწყვიტა მაჟორიტარობისთვის ბრძოლა.

„მეც თქვენნაირი რიგითი ქუთაისელი ვარ, რომელიც აქ დავიბადე, გავიზარდე, აქ ვისწავლე, აქ შემიყვარდა და აქ დავძმაკაცდი პირველად. დღესაც აქ ვცხოვრობ ჩემს შვილებთან ერთად და თითოეული თქვენგანის მსგავსად მეც მიჭირავს ამ ქალაქის მაჯის ცემაზე ხელი. მეც თქვენსავით ვგრძნობ, როგორ მეკარგება ნელ-ნელა პულსი, როგორ იძინებს ეს ქალაქი, ვგრძნობ, როგორ გადაგვაჩვიეს საზოგადოებრივ აქტივობას. ამ ქალაქში გამოვდივარ და ვხედავ უამრავ ჩამქრალ სახეს, ამ ყველაფერზე გული მიკვდება. ჩვენ აღარ უნდა ვიყოთ ვინმეს იმედზე, ჩვენ არ უნდა ვიყოთ გამოგზავნილის იმედზე, ჩვენ დღეს აქედან, ამ რთული გზით უნდა შევძლოთ მიზნამდე მისვლა", - აღნიშნა წარდგენისას "ალეკო ელისაშვილი - მოქალაქეების" ქუთაისის მაჟორიტარობის კანდიდატმა.

იოსებ კენჭაძე პროფესიით იურისტია. თსუ-ს, ქუთაისის სახელმწიფო უნივერსიტეტის, ჰარვარდის კურსდამთავრებულია. არის იურიდიული კომპანიის დამფუძნებელი, მუშაობდა ტოპ-მენეჯერის პოზიციაზე სხვადასხვა საერთაშორისო კომპანიებში. არის რამდენიმე წიგნის ავტორი.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს