აშშ-ის პრეზიდენტობის „დემოკრატი“ კანდიდატი ჯო ბაიდენი ორეგონის შტატის ქალაქ პორტლენდში მიმდინარე საპრიტესტო აქციების დროს გამოვლენილი ძალადობის წახალისებაში პრეზიდენტ დონალდ ტრამპს ადანაშაულებს.

„ვგმობ ნებისმიერ ძალადობას ნებისმიერი მხრიდან და დონალდ ტრამპსაც იგივესკენ მოვუწოდებ. არ უნდა გავხდეთ ქვეყანა, რომელსაც საკუთარ თავთან გვაქვს ომი. რას ელოდება დონალდ ტრამპი ჩვენს საზოგადოებაში სიძულვილისა და დაყოფილობის გაღვივებით და მხარდამჭერების დაშინების პოლიტიკის გზით შეკრებით? ის უგუნურად უწყობს ხელს ძალადობის წახალისებას,“- განაცხადა ჯო ბაიდენმა.

„რესპუბლიკელები“ დონალდ ტრამპის მხრიდან ძალადობის წახალისების მცდელობას უარყოფენ და აცხადებენ, რომ პრეზიდენტი კანონისა და წესრიგის აღდგენას ცდილობს. ისინი ქალაქებზე კონტროლის დაკარგვაში „დემოკრატ“ მერებსა და შტატების გუბერნატორებს ადანაშაულებენ.

ცნობისათვის, აშშ-ის ორეგონის შტატის ქალაქ პორტლენდში თითქმის 3 თვეა რასიზმისა პოლიციის სისასტიკის წინააღმდეგ მიმართული საპროტესტო გამოსვლები არ წყდება. საპროტესტო ტალღა მაისში, 46 წლის ფერადკანიანი მამაკაცის, ჯორჯ ფლოიდის, დაღუპვას მოჰყვა, რომელიც დაკავების დროს შეუძლოდ გახდა და მოგვიანებით გარდაიცვალა. სოციალურ ქსელებში მისი დაკავების ამსახველი ვიდეო გავრცელდა, სადაც ჩანს, რომ პოლიციის ოფიცერს ფლოიდის კისერზსე მუხლი თითქმის წუთის განმავლობაში აქვს დაჭერილი. ისმის დაკავებულის ხმაც : „ვერ ვსუთქავ“, „ვკვდები“.