მონტენეგროს საპარლამენტო არჩევნებში მმართველი პარტია მცირე უპირატესობით იმარჯვებს

მონტენეგროში, 30 აგვისტოს გამართულ საპარლამენტო არჩევნებში, წინასწარი შედეგებით, მმართველმა პროდასავლურმა „სოციალისტთა დემოკრატიულმა პარტიამ“ მცირე უპირატესობით გაიმარჯვა. ამ დროისთვის ქვეყნის საარჩევნო კომისიამ ბიულეტენების 95% დაითვალა. წინასწარი შედეგებით, პრეზიდენტ მილო დუკანოვიჩის მმართველ პარტიას 34.8% აქვს, რაც 81 ადგილიან პარლამენტში 30 მანდატს ნიშნავს. მისმა მთავარმა მეტოქემ, ოპოზიციურმა გაერთიანებამ „მონტენეგროს მომავლისთვის“, რომელსაც სათავეში პროფესორი ზდრავკო კრივოკაპიჩი უდგას, ხმების 32.7% მიიღო, რაც პარტიას პარლამენტში 27 მანდატს მოუპოვებს. მესამე ადგილზეა პარტია „მშვიდობა ჩვენი ერია”, რომელსაც 12.5% აქვს, რაც 10 მანდატს ნიშნავს.

ქვეყნის კანონმდებლობით, საპარლამენტო უმრავლესობისთვის პარტიამ მინიმუმ 41 ადგილი უნდა მოიპოვოს, შესაბამისად, პირველ ადგილებზე გასულ ორივე პარტიას კოალიცის შექმნაზე მოუწევს ფიქრი.

„სოციალისტთა დემოკრატიული პარტია“ ქვეყნის სათავეში 1990 წლიდან არის, ამავე პარტიის ლიდერია პრეზიდენტი მილო დუკანოვიჩი. ნაციონალისტური პარტიების ოპოზიციური გაერთიანება კი რუსეთთან და სერბეთთან ახლო კავშირებს უჭერს მხარს. მას ზურგს უმაგრებს სერბეთის მართლმადიდებლური ეკლესია. კვირას გამართულ არჩევნებში მოქალაქეთა აქტივობამ 75%-ს გადააჭარბა. ქვეყნის საარჩევნო კომისია საბოლოო შედეგებს რამდენიმე დღეში გამოაცხადებს.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა