ეკა ბესელია მოითხოვს, პარლამენტმა მის მიერ ინიცირებული კანონპროექტი, საარჩევნო კოდექსში შესატანი ცვლილებების შესახებ, უმოკლეს ვადაში განიხილოს

დამოუკიდებელი დეპუტატი, პარტია „სამართლიანობისთვის” თავმჯდომარე, ეკა ბესელია მოითხოვს, რომ პარლამენტმა მის მიერ ინიცირებული კანონპროექტი, საარჩევნო კოდექსში შესატანი ცვლილებების შესახებ, უმოკლეს ვადაში განიხილოს.

როგორც ბესელიამ განაცხადა, აღნიშნული კანონპროექტი ეხება არჩევნევის გაყალბებისგან დაცვის მკაფიო მექანიზმს.

„ჩემი მოთხოვნა გახლავთ ის, რომ კეთილი ინებოს უმრავლესობამ და ჩამოიღოს თაროზე შემოდებული ჩემი კანონპროექტი, რომელიც ეხება საარჩევნო კოდექსში შესატან ცვლილებებს და ხმის დაცვის ძალიან მკაფიო და კონკრეტულ მექანიზმს. 13 ივლისს ეს ინიციატივა უკვე დაეწერა იურიდიულ კომიტეტს. აქამდე ის განხიული არ არის და ერთადერთი არგუმენტი, რის გამოც არ იხილებოდა ეს ცვლილება იყო ის, რომ არჩევნებამდე ცოტა დროა დარჩენილი და ვერ ვასწრებთ ამ პროექტის განხილვასო. რადგან დღეს ხდება საარჩევნო კოდექსში ცვლილებების ინიცირება თავად მმართველი პარტიის მხრიდან, ჩემი მოთხოვნაა, რომ უმოკლეს ვადაში, იმავე ვადაში, რა ვადაშიც მოხდება დღეს წარმოდგენილი ცვლილებების განხილვა, მოხდეს ჩემი ინიციატივის გამოტანაც კომიტეტზე და სესიაზე და მოხდეს ამ ორი საკითხის განხილვა. ორივე ეხება საარჩევნო კოდექსში ცვლილებებს, ეხება ხმის დაცვის დემოკრატიულ და მკაფიო, ეფექტიან მექნიზმს, კერძოდ იმას, რომ თუ ბიულეტენები არასწორად არის დათვლილი, მოხდეს საარჩევნო უბანზე შერჩევითი პრინციპით ბიულეტენების გახსნა და გადათვლა. ეს არის ძალიან მარტივი, მაგრამ ეფექტიანი მექანიზმი, რომ საარჩევნო უბნებზე ნებისმიერი მანიპულაცია დავაზღვიოთ გაყალბებისგან. რატომ არ უნდა უნდოდეს ეს ხელისუფლებას არის აბსოლუტურად გაუგებარი. ამ ინიციატივას მხარს უჭერს ყველა ოპოზიციური პარტია, ჩვენი საერთაშორისო პარტნიორებიც. ამჯერად იმ არგუმენტს აღარ მოვისმენ, ან აღარ მეტყვიან, რომ არჩევნებამდე ცოტა დროა დარჩენილი და ვერ ასწრებენ. როგორც ჩანს, ამ კვირაში დაგეგმილია დაჩქარებული წესით წარმოდგენილი ცვლილებების განხილვა. მე ვითხოვ, ამაზე ვადაში მოხდეს ჩემი ინიციატივის განხილვაც”,- განაცხადა ბესელიამ.

იხილეთ ვიდეო:ეკა ბესელია მოითხოვს, პარლამენტმა მის მიერ ინიცირებული კანონპროექტი, საარჩევნო კოდექსში შესატანი ცვლილებების შესახებ, უმოკლეს ვადაში განიხილოს

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
პაატა დავითაია - ვინც საპარლამენტო არჩევნების წინ ფართო გაერთიანების მოდელს შესთავაზებს ამომრჩეველს, მოგებაც მის მხარეს იქნება - ვინც ამ სისტემით გავა არჩევნებზე, ის მინიმუმ გაყოფს ხელისუფლებას, მაქსიმუმ - მოიპოვებს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს