გიგი უგულავას განცხადებით, ზუგდიდში კონკურენტებად იმ პრობლემებს განიხილავს, რომლებიც „ივანიშვილის ხელისუფლებამ 8 წლის განმავლობაში დააგროვა“

„ევროპული საქართველოს“ ერთ-ერთი ლიდერის გიგი უგულავას განცხადებით, ზუგდიდის სამაჟორიტარო ოლქში თავის კონკურენტებად იმ პრობლემებს განიხილავს, რომლებიც „ბიძინა ივანიშვილის ხელისუფლებამ 8 წლის განმავლობაში დააგროვა“. უგულავას თქმით, ის „ნაციონალური მოძრაობის“ მიერ ზუგდიდის ოლქში მაჟირიტარობის კანდიდატად საქართველოს ყოფილი პრეზიდენტის მიხეილ სააკაშვილის დედის გიული ალასანიას შესაძლო წარდგენაზე შეფასებას იქამდე ვერ გააკეთებს, ვიდრე აღნიშნული ინფორმაცია არ დადასტურდება.

„მე ჭორებზე კომენტარს არ და ვერ გავაკეთებ, როდესაც დადასტურდება, საუბარი შეიძლება შემდეგ. ზოგადად ჩემი კონკურენტები არიან აქ ის პრობლემები, რომლებიც დააგროვა ბიძინა ივანიშვილმა და „ქართულმა ოცნებამ“. ეს არის ნეპოტიზმი, ეს არის კრიმინალი, კონტრაბანდა, განუკითხაობა და ტოტალური უპატრონობა, რაც, სამწუხაროდ, სუფევს ზუგდიდში და არამარტო. რეალურად, როდესაც ვსაუბრობთ კონკურენტებზე, კონკურენტები არიან ეს პრობლემები, რომლებიც უნდა მოგვარდეს“, - განაცხადა გიგი უგულავამ.

გიგი უგულავას განცხადებას „ევროპული საქართველოს“ პრესსამსახური ავრცელებს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა