გლდანის მე-8 პენიტენციურ დაწესებულებასთან, ადვოკატებმა და მსჯავრდებულთა ნათესავებმა საყოველთაო ამნისტიის მოთხოვნით აქცია გამართეს.

როგორც აქციის ორგანიზატორმა ალექსანდრე კობაიძემ ჟურნალისტებთან განაცხადა, კანონპროექტი ამნისტიის მოთხოვნით, პარლამენტში უკვე შეიტანეს.

“უფლებადამცველები და ადვოკატები, სოლიდარობას ვუცხადებთ მსჯავრდებულთა ოჯახის წევრებს. შევიტანეთ ამნისტიის მოთხოვნის კანონპროექტი და ველოდებით პარლამენტისგან პროექტის დამტკიცებას. გვაქვს იმედი, რომ არჩევნებამდე დიდი ამნისტია იქნება, წინააღმდეგ შემთხვევაში პატიმრების ოჯახის წევრებისგან ხმებს ვერ მიიღებენ,” - განაცხადა კობაიძემ.