„საერთოდ არ მაინტერესებს ადამ კინზინგერი რას ფიქრობს. ჩემს თვალში და წარმოდგენაში საკმაოდ რეპუტაცია შელახული პირია”,- ასე გამოეხმაურა “პატრიოტთა ალიანსის” გენერალური მდივანი ირმა ინაშვილი კონგრესმენ ადამ კინზინგერის მიერ “ტვიტერში” გამოქვეყნებულ განცხადებას.
ინაშვილის თქმით, კონგრესმენი კინზინგერი “მიკერძოებული და ცალმხრივია”.
“პირდაპირ ვაკავშირებ მას სააკაშვილთან და ბოკერიასთან. მე არ ვლაპარაკობ ამერიკის შეერთებულ შტატებზე, მე ვლაპარაკობ დევიდ კრამერზე, მაკკეინის ჯგუფის სხვა წარმომადგენლებზე, რომლებიც არიან ჩემი პირდაპირი მტრები და საქართველოს არაკეთილმოსურნეები და ამ ჯგუფს უკავშირდება სწორედ ეს დეზინფორმაციის კამპანია”,-განაცხადა ირმა ინაშვილმა.
ცნობისთვის, კონგრესმენმა ადამ კინზინგერმა “ტვიტერში” განაცხადა, რომ შეშფოთებას გამოხატავს “გავრცელებილი დეზინფორმაციის გამო, რომელიც ამტკიცებს, რომ აჭარას თურქეთის მხრიდან საფრთხე ემუქრება”.