დავით მათიკაშვილი - არ გვაქვს იმის ფუფუნება, რომ პანდემიის მიუხედავად, არჩევნების გადავადებაზე, ან სხვა გადაწყვეტილებაზე ვიმსჯელოთ

ქვეყანას წარმატებული პრემიერი ჰყავს, ამას საზოგადოება ძალიან კარგად ხედავს, - ამის შესახებ საპარალმენტო უმრავლესობის წევრმა, დავით მათიკაშვილმა ტელეკომპანია „პალიტრანიუსის“ გადაცემა „დღის ნიუსრუმში“ განაცხადა, რითაც უპასუხა შეკითხვას, ვინ იქნება „ქართული ოცნების“ პრემიერ-მინისტრობის კანდიდატი - რამდენად შეინარჩუნებს თანამდებობას გიორგი გახარია ან ხომ არ არის საუბარი ამ პოსტზე ბიძინა ივანიშვილის დაბრუნებაზე.

მათიკაშვილის თქმით, საბოლოო გადაწყვეტილებას ახალი მთავრობის პრემიერ-მინისტრთან დაკავშირებით გუნდი მსჯელობის შედეგად მიიღებს.

„გუნდი გადაწყვეტს, ვინ იქნება ქვეყნის პრემიერ-მინისტრი. ქვეყანას წარმატებული პრემიერი ჰყავს, ამას ჩვენი საზოგადოება ძალიან კარგად ხედავს. ბიძინა ივანიშვილი ძალიან აქტიურად არის ჩართული პოლიტიკაში. კარგად ნახეთ, რომ პირველი ძალიან მნიშვნელოვანი თარიღი საარჩევნო მართონის, სწორედ ბიძინა ივანიშვილის მონაწილეობით ჩატარდა. ცხადია, ის პარტიიის ხელმძღვანელია და ჩართულია ამ პროცესში“, - განაცხადა დავით მათიკაშვილმა.

დავით მათიკაშვილმა პანდემიის პირობებში არჩევნების ჩატარებაზეც ისაუბრა და აღნიშნა, რომ 2020 წლის საპარლამენტო არჩევნების გადადების საფუძველი არ არსებობს.

„ჩვენ არ გვაქვს იმის ფუფუნება, რომ მსოფლიო პანდემიის მიუხედავად რაღაც კუთხით არჩევნების გადავადებაზე, ან სხვა გადაწყვეტილებაზე ვიმსჯელოთ.

არჩევნები აუცილებლად უნდა ჩატარდეს კონსტიტუციით განსაზღვრულ ვადებში. თუ დააკვირდებთ, პირველი ინფიცირებულიდან დღემდე, სახელმწიფო ძალიან ადეკვატურია კორონავირუსის პანდემიის გამოწვევების მიმართ.

ჩვენ ვახერხებთ პროცესის მართვას ეპიდემიოლოგების, ექიმების რჩევებით და მყისიერი გადაწყვეტილებებით. მართული იქნება როგორც პანდემიის წინააღმდეგ ბრძოლა, ასევე არჩევნების მაღალი დემოკრატიულის სტანდარტით ჩატარდება“, - განაცხადა მათიკაშვილმა.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა