პარლამენტის შენობასთან პატიმრების დედები საყოველთაო ამნისტიის კანონპროექტის დაჩქარებული წესით განხილვის მოთხოვნით უკვე მე-3 დღეა შიმშილობენ. როგორც აქციის ერთ-ერთმა მონაწილემ მანანა სიხარულიძემ განაცხადა, ვიდრე მათი მოთხოვნა არ დაკმაყოფილდება, შიმშილობას არ შეწყვეტენ.
„მე-3 დღეა პროტესტის უკიდურეს ზომას მივმართეთ და შიმშილობა დავიწყეთ. მთავრობას ვთხოვთ, ჩვენი წვალება მხედველობაში მიიღონ და დაამტკიცონ კანონპროექტი. 12 სექტემბერს ჩვენ ვაპირებთ მასშტაბური აქციის გამართვას ამნისტიის კანონის დაჩქარებულად მიღების მოთხოვნით და ჩვენი მხარდამჭერები უკვე რეგიონებიდანაც შემოგვიერთდებიან", -განაცხადა მანანა სიხარულიძემ.