გიორგი კაკაურიძის განცხადებით, 2021 წლის სახელმწიფო ბიუჯეტის პროექტი ეკონომიკის 5%-იანი ზრდის მაჩვენებელზე დაიგეგმება

2021 წლის სახელმწიფო ბიუჯეტის პროექტი ეკონომიკის 5%-იანი ზრდის მაჩვენებელზე დაიგეგმება. როგორც ფინანსთა მინისტრის მოადგილემ, გიორგი კაკაურიძემ პარლამენტის საფინანსო-საბიუჯეტო კომიტეტის სხდომაზე მომდევნო წლის ბიუჯეტთან დაკავშირებით აღნიშნა, ბიუჯეტის პირველადი ვარიანტის განხილვა მთავრობაში მომდევნო კვირას იქნება.

„ სამინისტროების დონეზე, რომელ უწყებაში რა იქნება ჯერ ვერ ვისაუბრებ. 2021 წლის ბიუჯეტის პირველადი ვარიანტის განხილვა მთავრობაში მომდევნო კვირაშია და შემდეგ უკვე სამინისტროს შესაბამისი მითითებები ექნება რა მიმართულებებით უნდა იმუშაოს. დღეს შემიძლია პირველადი პარამეტრები ვახსენო, ეკონომიკური ზრდის მაჩვენებელი დიდი ალბათობით 5% იქნება, მომდევნო წელს დეფიციტის შემცირება მოგვიწევს და ბიუჯეტის დეფიციტის მაჩვენებელი 5%-თან ახლოს უნდა იყოს. ყველა ის ვალდებულება, რომელიც სახელმწიფოს მხრიდანაა არებული, რა თქმა უნდა, გათვალისწინებული იქნება ბიუჯეტში. გათვალისწინებული იქნება რესურსი, რომ ის კაპიტალური პროექტები, რომლებიც მიმდინარეა არ შეფერხდეს“,-აცხადებს გიორგი კაკაურიძე.

რაც შეეხება 2021 წლის ეკონომიკურ ზრდას დარგობრივ ჭრილში, კაკურიძის თქმით, დეტალებზე საუბარი რთულია, თუმცა ტურიზმი წლევანდელთან შედარებით უკეთესი იქნება, მაგრამ 2021 წელს ტურიზმის 100%-იანი აღდგენა ვერ მოხდება.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით