საბერძნეთის სპეცრაზმმა მიგრანტების საპროტესტო აქციის დასაშლელად ცრემლსადენი გაზი გამოიყენა
საბერძნეთის სპეცრაზმმა კუნძულ ლესბოსზე გამართული მიგრანტების საპროტესტო აქციის დასაშლელად ცრემლსადენი გაზი გამოიყენა. მედიის ინფორმაციით, დაძაბულობა სამართალდამცავებსა და მომიტინგეებს შორის მას შემდეგ გამწვავდა, რაც მიგრანტებმა მიტილენეს პორტისკენ მიმავალ გზაზე მსვლელობა მოაწყვეს, რომელიც პოლიციას გადაკეტილი იმის გამო ჰქონდა, რომ ახლომდებარე ტერიტორიაზე მიგრანტების დროებითი თავშესაფრით უზრუნველყოფის მიზნით კარვების გაშლა დაიწყეს.
შეგახსენებთ, ოთხი დღის წინ კუნძულ ლესბოსზე მიგრანტთა უდიდესი ბანაკი „მორია“ დაიწვა და 12 000-მდე ადამიანი თავშესაფრის გარეშე დარჩა, მათი უმრავლესობა ღამეს ქუჩებში ათევს. გუშინ, საბერძნეთის პრემიერ-მინისტრმა კირიაკოს მიცოტაკისმა ევროპის ქვეყნებს მიგრანტების დასახმარებლად მოქმედებისკენ მოუწოდა. „ევროპა სოლიდარობის სიტყვებიდან სოლიდარობის მოქმედებაზე უნდა გადავიდეს,“- განაცხადა პრემიერ-მინისტრმა.
v-if="article.gallery" v-html="article.gallery"
