„ევროპულმა საქართველომ“ პარტიის ახალგაზრდა სპიკერი თათია ვახტანგაძე წარადგინა

„ევროპული საქართველოს“ საარჩევნო შტაბის ხელმძღვანელმა, სერგი კაპანაძემ დღეს ქუთაისში, პარტიის ახალგაზრდა სპიკერი თათია ვახტანგაძე წარადგინა.

თათია ვახტანგაძე თბილისის სახელმწიფო უნივერსიტეტის საერთაშორისო ურთიერთობების მიმართულების ბაკალავრია, ის ასევე სწავლობდა ნორვეგიის ოსტფოლდის საუნივერსიტეტო კოლეჯში. თათია ვახტანგაძის თქმით, „ევროპული საქართველო“ არის გუნდი, რომელსაც აქვს მომავლის ხედვა და ის აუცილებლად მოიტანს გარდამტეხ ცვლილებებს.

„2 წლის წინ, როდესაც ნორვეგიიდან საქართველოში დავბრუნდი, ვფიქრობდი, რომ ძალიან მალე ისევ უკან დავბრუნდებოდი და გავაგრძელებდი ცხოვრებას ევროპის რომელიმე განვითარებულ ქვეყანაში. ასე ვფიქრობდი, რადგან საქართველოში ვხედავდი ჩამოშლილ საგანმანათლებლო სისტემას, ნეპოტიზმს, კორუფციას, კრიმინალს. ვფიქრობდი, რომ შეუძლებელი იქნებოდა ახლო მომავალში იმ უიმედობის წრის გარღვევა, რომლის გარშემოც საქართველოს მოქალაქეები 30 წელია დავდივართ. თუმცა, ჩამოსვლიდან ძალიან მალე შევხვდი ადამიანებს, რომლებიც ღელავდნენ ამავე პრობლემებზე და აქვთ ხედვა, თუ როგორ უნდა შეიცვალოს ეს ყველაფერი. სწორედ ამ გუნდმა, „ევროპულმა საქართველომ“ დამანახა, რომ მათ აქვთ ხედვა, თუ როგორ უნდა მოხდეს გარდამტეხი ცვლილებები. სწორედ ამიტომ, დღეს მე არ ვაპირებ, რომ ვიცხოვრო სხვა ქვეყანაში, მე ვაპირებ რომ ვიცხოვრო შეცვლილ ქვეყანაში, სადაც მრავალპარტიული პარლამენტი და კოალიციური მთავრობა გამოხატავს თითოეული მოქალაქის, ჩვენს ინტერესებს და არა წარსულის პოლიტიკოსების ამბიციებსა და ინტერესებს. „ევროპული საქართველო“ დაკომპლექტებულია კომპეტენტური და პროფესიონალი გუნდით, რომელსაც აქვს სწორი ხედვა. სწორედ „ევროპული საქართველოა“ გუნდი, რომელიც მოიტანს გარდამტეხ ცვლილებებს“,- განაცხადა თათია ვახტანგაძემ.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს