NDI-ს მიერ გამოკითხული მოსახლეობის 27% ფიქრობს, რომ ამჟამად საქართველოში განათლების სისტემის წინაშე მდგარი ყველაზე დიდი პრობლემა ონლაინ სწავლებასთან დაკავშირებული სირთულეებია.
ამის შესახებ ორგანიზაციის მერ გამოქვეყნებულ კვლევაშია აღნიშნული.
კვლევის შედეგების მიხედვით, გამოკითხული მოსახლეობის 22% ფიქრობს, რომ პრობლემაა მასწავლებლების/ლექტორების დაბალი კვალიფიკაცია; 20%-ის აზრით, პრობლემაა უნივერსიტეტებში სწავლის მაღალი საფასური; 10%-ს მიაჩნია, რომ განათლების სისტემაში პრობლემა არ არის.
ამავე კვლევის მიხედვით, გამოკითხული მოსახლეობის 9%-ის აზრით, პრობლემაა მაღალი ფასი სასწავლო მასალებზე; 7%- სასწავლო მასალების/წიგნების დაბალი ხარისხი; 5% - მასწავლებლების/ლექტორების დაბალი ხელფასები; 5%- რეპეტიტორების მაღალი საფასური; 4% - თანამედროვე ტექნოლოგიების არარსებობა/ნაკლებობა; 4% სკოლის/უნივერსიტეტის ცუდი ინფრასტრუქტურა; 4% - ტექნიკური განათლების ხელმისაწვდომობა; 2%- კორუფცია/ნეპოტიზმი. კითხვაზე პასუხი არ იცის 19%-მა.
ცნობისთვის, კვლევა NDI-მ 6-11 აგვისტოს პერიოდში ჩაატარა. ორგანიზაციის ცნობით, საქართველოს მასშტაბით 2 045 სატელეფონო ინტერვიუ ჩაიწერა წარმომადგენლობითი შერჩევის საფუძველზე. გამოკითხვა ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი +/- 1,3 პროცენტია.