გერმანიის მთავრობა - ალექსეი ნავალნის „ნოვიჩოკის“ მსგავსი ნერვული აგენტით მოწამვლის ფაქტი საფრანგეთისა და შვედეთის ლაბორატორიებმაც დაადასტურეს
რუსი ოპოზიციონერი პოლიტიკოსის ალექსეი ნავალნის „ნოვიჩოკის“ მსგავსი ნერვული აგენტით მოწამვლის ფაქტი საფრანგეთისა და შვედეთის სპეციალურმა ლაბორატორიებმაც დაადასტურეს, - ამის შესახებ გერმანიის მთავრობის პრესსპიკერმა შტეფან ზიბერტმა განაცხადა.
„ჩვენ ვაახლებთ მოწოდებას რუსეთის მიმართ, რომ საკითხთან დაკავშირებით განმარტება გააკეთოს. შემდგომ, მოქმედებებთან დაკავშირებით ჩვენს ევროპელ პარტნიორებთან ახლო კონტაქტში ვიმყოფებით,“- განაცხადა ზიბერტმა.
შეგახსენებთ, რომ ალექსეი ნავალნი, რომელიც 20 აგვისტოს ომსკის კლინიკაში მას შემდეგ მოათავსეს, რაც თვითმფრონავში თავი შეუძლოდ იგრძნო, 22 აგვისტოს ახლობლების მოთხოვნით ბერლინის კლინიკაში გადაიყვანეს. ტრანსპორტირებიდან რამდენიმე დღეში გერმანიის მთავრობამ განაცხადა, რომ ნავალნი „ნოვიჩოკის“ ტიპის ნერვული აგენტითაა მოწამული. რუსეთი ნავალნის მოწამვლასთან კავშირს უარყოფს.
This is a modal window.
v-if="article.gallery" v-html="article.gallery"
