მორაგბე სანდრო საკანდელიძე სროლის ფაქტზე - არ ვიცი რა მოხდა დღეს, რამაზ ხარაზიშვილი და მერაბ ბესელია ერთმანეთს შემთხვევით შეხვდნენ

3 კვირაა რაც პროკურატურაა შემოსული რაგბის კავშირში და ფინანურ საკითხებს იკვლევენ", - ამის შესახებ ვეტერანმა მორაგბემ სანდრო საკანდელიძემ ჟურნალისტებთან საუბრისას განაცხადა.

როგორც სანდრო საკანდელიძემ მედიასთან განაცხადა, რაგბის კავშირში ფინანსები არამიზნობრივად იხარჯება. " ფინანსურ კრიზისშია რაგბის კავშირი შეყვანილი. ისეთი მიმართულებაზეა თანხები განაწილებული, რაზეც არ ღირდა".

"ის მმართველობა, რაც ბოლო 8 წელია აქ არის, ჩვენთვის მიუღებელია. ამაზე შიგნიდან ვიბრძოდით, 5 წელი გარეთ არ გამოგვქონდა პრობლემები. ამან არ იმუშავა, როგორც ჩანს, შემდეგ მოგვიწია გარეთ გამოტანა.

3 კვირაა რაც პროკურატურაა შემოსული და იკვლევენ ფინანურ საკითხებს. პროკურატურა ყველაფერს უფრო კომპეტენტურად იტყვის", - განაცხადა საკანდელიძემ.

მისივე თქმით, მორაგბე რამაზ ხარაზიშვილი არ იყო ინიციატორი, რომ პროკურატურა შემოსულიყო რაგბის კავშირში.

რაც შეეხება რაგბის კავშირში მომხდარ სროლის ფაქტს, საკანდელიძის თქმით, მისი ინფორმაციით, მორაგბე რამაზ ხარაზიშვილი და მერაბ ბესელია რაგბის კავშირის შენობაში ერთმანეთს შემთხვევით შეხვდნენ.

"არ ვიცი რა მოხდა დღეს. კოვიდთან დაკავშირებით იყო შეხვედრა, ხარაზიშვილი აქ ყოველთვის დადის, რადგან საბჭოს წევრია. როგორც ვიცი, შემთხვევით შეხვდნენ ერთმანეთს", -განაცხადა საკანდელიძემ.

ცნობისთვის, შინაგან საქმეთა სამინისტრომ რაგბის კავშირში სროლის ფაქტზე გამოძიება დაიწყო. როგორც „ინტერპრესნიუსს“ უწყებაში განუცხადეს, გამოძიება სისხლის სამართლის კოდექსის 118-ე და 236-ე მუხლებით მიმდინარეობს, რაც შესაბამისად, იარაღის უკანონო შეძენა-შენახვა-ტარებას და ჯანმრთელობის დაზიანებას გულისხმობს.

შეგახსენებთ, რომ რაგბის კავშირში სროლა იყო. დაჭრილია ერთი ადამიანი. „ინტერპრესნიუსის“ ინფორმაციით, გასროლა სავარაუდოდ, რაგბის კავშირის ვიცე-პრეზიდენტმა მერაბ ბესელიამ განახორციელა.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს