ორგანიზაცია Gorbi-ს წინასაარჩევნო კვლევის თანახმად, დღეს რომ საპარლამენტო არჩევნები ტარდებოდეს „ქართულ ოცნებას“ ხმას გამოკითხულთა 56.3% მისცემდა. კითხვაზე, დღეს რომ ტარდებოდეს საპარლამენტო არჩევნები, რომელ პარტიას მისცემდით ხმას, პასუხები შემდეგნაირად გადანაწილდა: „ქართული ოცნება“ - 56.3%; „ნაციონალური მოძრაობა“ - 11.9%; „პატრიოტთა ალიანსი“ - 7.1%; „ევროპული საქართველო“ - 4.8%; „სტრატეგია აღმაშენებელი“ - 3.5%; „ლეიბორისტული პარტია“ 3.3%; „ლელო“ - 2.9%; „გირჩი“ - 2.7%; „დემოკრატიული პარტია“ - 1,7%; „სხვა პარტიები“ - 1,3%; „ყველას გადავხაზავ“ - 4,5%.
"იმედის" ინფორმაციით, აღნიშნული კვლევა ტელეკომპანია "იმედის" დაკვეთით, 19-დან 28 აგვისტოს ჩათვლით ჩატარდა და გამოიკითხა 1615 ადამიანი. მათივე ცნობით, გამოკითხვა ალოკაციის პრინციპით ჩატარდა და გამოკითხვა ოთხ ენაზე - ქართულზე, რუსულზე, აზერბაიჯანულსა და სომხურზე მიმდინარეობდა.