საქართველოს საგარეო საქმეთა მინისტრის, დავით ზალკალიანის ინფორმაციით, ეპიდემიური ვითარების მიუხედავად, არჩევნების გადადება არ განიხილება.

მისივე თქმით, ხელისუფლება ყველაფერს გააკეთებს არჩევნების შესაბამის გარემოში, მაღალ სტანდარტებში ჩასატარებლად.

„არამც და არამც არ განიხილება არჩევნების გადადება. არჩევნები, როგორც გამოცხადებულია, ჩატარდება 31 ოქტომბერს და ჩვენ, ხელისუფლება ყველაფერს გავაკეთებთ იმისთვის, რომ ამ ვადებში იყოს უზრუნველყოფილი შესაბამისი გარემო არჩევნების მაღალ სტანდარტებში ჩასატარებლად. ასე, რომ არანაირი გადადება, ან სხვა ვადებში ჩატარება არ განიხილება,“ - აღნიშნა დავით ზალკალიანმა.