მათთვის, ვინც მიემგზავრება სასწავლებლად ან აქვს სამუშაო კონტრაქტი გერმანიაში, ახალგაზრდობის სააგენტოს ორგანიზებით, 23 სექტემბერს, მეოთხე ჩარტერული რეისი თბილისი–ბერლინის მიმართულებით განხორციელდება. ამის შესახებ ინფორმაციას ახალგაზრდობის სააგენტო ავრცელებს.

მათივე ცნობით, დაინტერესებულ პირებს რეგისტრაციის გავლა ახალგაზრდობის სააგენტოს ოფიციალურ Facebook გვერდზე შეუძლიათ: https://bit.ly/2ZNW8b5

ახალგაზრდობის სააგენტოში აცხადებენ, რომ რეგისტრაციის ბოლო ვადა 20 სექტემბრის 00:00 საათია.

მათი თქმით, ადგილების რაოდენობა შეზღუდულია და ყურადღება უნდა მიექცეს რიგითობას.