დავით ბაქრაძე - თუ „ნაცმოძრაობას“ დასჭირდება სხვა პარტიების მხარდაჭერა, რომ იყოს ერთიანი პრემიერი, „ევროპულ საქართველოს“ ვერავინ ვერაფერს აიძულებს - მიხეილ სააკაშვილს მხარს არ ვუჭერთ

ჩვენ არ გვსურს ერთპიროვნული მმართველობა, ამიტომ გამოვრიცხავთ თანამშრომლობას „ქართულ ოცნებასთან“ და არ ვუჭერთ მხარს მიხეილ სააკაშვილს, - ასე ეხმაურება „ევროპული საქართველოს“ ლიდერი, დავით ბაქრაძე, მიხეილ სააკაშვილის განცხადებას.

დავით ბაქრაძის თქმით, როგორც ივანიშვილს, ისე სააკაშვილს, სურთ ერთპიროვნული და ერთპარტიული მმართველობა, სადაც ყველა იზიარებს ერთი პარტიის აზრს.

„საუბარი იმაზე, რომ რომელიმე პოლიტიკურ გუნდს ვინმეს მხარდაჭერა მოუწევს, ნიშნავს იმას, რომ „ნაციონალურ მოძრაობაში“ ვერ აცნობიერებენ, რას ნიშნავს კოალიციური მთავრობა და კოალიციური შეთანხმება. არავის არაფერი მოუწევს, თუ "ნაციონალური მოძრაობა" აიღებს ხმების საკმარის უმრავლესობას, მათ შეეძლებათ, ვინც სურთ, ის დაასახელონ პრემიერობის კანდიდატად, თუ „ნაციონალურ მოძრაობას“ დასჭირდება სხვა პარტიების მხარდაჭერა იმისთვის, რომ იყოს ერთიანი ოპოზიციური პრემიერი, ვერავინ ვერაფერს აიძულებს „ევროპულ საქართველოს“ და ჩვენი პოზიცია არის მკაფიო. ჩვენ ვართ ერთპარტიული და ერთპიროვნული მმართველობის წინააღმდეგი, ამ მმართველობამ შეიყვანა ქვეყანა ძალიან ღრმა კრიზისში, ამიტომ საუბარი იმაზე, რომ ქვეყანაში კიდევ უნდა იყოს ერთპარტიული მმართველობა, ნიშნავს იგივე კრიზისის გაგრძელებას.

ამიტომ, ჩვენ გამოვრიცხავთ შეთანხმებას „ქართულ ოცნებასთან“ და ბიძინა ივანიშვილთან და ამავე მიზეზით არ ვუჭერთ მხარს მიხეილ სააკაშვილს. ქვეყანაში ერთპარტიული, ერთპიროვნული მმართველობა, სისტემა, სადაც ერთი პარტია დომინირებს და აიძულებს სხვებს, რომ რაღაცაზე დაეთანხმოს, უნდა დასრულდეს. სწორედ ამას ჰქვია გარდამტეხი ცვლილებები ამ არჩევნებზე და სწორედ ამისთვის ვიბრძვით ჩვენ ამ არჩევნებზე და თითოეულ ადამიანს, ვისაც აღარ უნდა ერთპარტიული მართვა და უნდა დაბალანსებული, გაწონასწორებული მთავრობა, სადაც არავინ არავის არაფერს აიძულებს და პირიქით, ყველა ერთმანეთს და საზოგადოების აზრს გაითვალისწინებს, ყველა ასეთ ადამიანს მოვუწოდებ, რომ ხმა მისცეს „ევროპულ საქართველოს“, - განუცხადა დავით ბაქრაძემ ჟურნალისტებს.

იხილეთ ვიდეო:"ევროპული საქართველო" პრემიერ-მინისტრის პოსტზე მიხეილ სააკაშვილს მხარს არ დაუჭერს

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო