მარინა ენდელაძე - მოსახლეობა მინდა დავამშვიდო, სისტემა გამართულია

მინდა დავამშვიდო მოსახლოება. სისტემა გამართულია, მიმდინარეობს სერიოზული მუშაობა“,- ამის შესახებ ინფექციური საავადმყოფოს ბოქსირებული განყოფილების ხელმძღვანელმა, მარინა ენდელაძემ ეპიდსიტუაციაზე საუბრისას განაცხადა.

მარინა ენდელაძის განცხადებით, ახალი შემთხვევების რაოდენობის მატება პროგნოზირებული იყო.

„ამ მატებას ჩვენ ველოდებოდით, რა თქმა უნდა, ამდენი კოვიდინფიცირებულის კონტაქტების მოძიების შემდეგ მოემატებოდა, მაგრამ, მინდა დავამშვიდო მოსახლეობა სისტემა გამართულია, უკვე მიმდინარეობს სერიოზული მუშაობა ამ საკითხთან დაკავშირებით. შევძლებთ ამ პაციენტების მართვას“, - განაცხადა ენდელაძემ.

რაც შეეხება თბილისის ინფექციურ საავადმყოფოს, მარინა ენდელაძის თქმით, კლინიკაში 32 ინფიცირებული მკურნალობს, აქედან 3 მძიმე პაციენტია.

„კლინიკაში ბავშვებიც გვყავს, ერთი სამი თვის ბავშვია, მისი მდგომარეობა მძიმე არ არის, ვფიქრობ, ყველაფერი კარგად იქნება“,- განაცხადა ენდელაძემ.

ჟურნალისტების კითხვაზე, თუ რომელ ჯგუფს უკავშირდება თბილისში გამოვლენილი 34 ახალი შემთხვევა მარინა ენდელაძე აცხადებს, რომ „სხვადასხვა შემთხვევებია, ახალი კლასტერი არ უნდა იყოს, აჭარასთან კონტაქტი და ასე შემდეგ“.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა