„ჯივიპი“ სამგორის რაიონში, ნაკადულის პირველ გასასვლელსა და მეორე შესახვევში წყალმომარაგების ქსელს აახლებს

„ჯორჯიან უოთერ ენდ ფაუერი“, დედაქალაქის სტაბილური წყალმომარაგებისთვის, მნიშვნელოვან პროექტებზე მუშაობას ყველა რეკომენდაციის დაცვითა და გათვალისწინებით აგრძელებს,- ამის შესახებ „ინტერპრესნიუსს“„ჯივიპიდან“ აცნობეს.

კომპანია სამგორის რაიონში, ნაკადულის 1-ელ გასასვლელსა და მე-2 შესახვევში წყალმომარაგების სისტემაზე სარეაბილიტაციო სამუშაოებს ატარებს.

„ პროექტის ფარგლებში სრულად განახლდება ერთ კილომეტრი სიგრძის წყალმომარაგების ქსელი. ახალ ქსელზე ევროსტანდარტის ჩამკეტ-მარეგულირებელი ურდულები და საკვანძო ჭები მოეწყობა.

"ჯივიპი" სარეაბილიტაციო პროეტში 200 ათასი ლარის ინვესტიციას განახორციელებს. სარეაბილიტაციო სამუშაოების დასრულების შემდეგ, კომპანია, ახალი ქსელის ექსპლუატაციაში შესვლის მიზნით გადაერთებით სამუშაოებს ჩაატარებს”,-აცხადებენ კომპანიაში.