ფეხბურთელ გიორგი შაქარაშვილის საქმეზე ბრალდებული არასრულწლოვნების საქმის პროკურორის ნანა გუგუტიშვილის განცხადებით, დაზარალებულ ვახტანგ ახვლედიანის ჩვენება ღირებულია.

გუგუტიშვილის თქმით, დღევანდელ სასამართლო პროცესზე მხოლოდ ერთი მოწმე დაიკითხება, რის შემდეგაც წერილობით მტკიცებულებებს გამოიკვლევენ.

"მოლოდინი გვაქვს, რომ გამოძიებაში მიწოდებულ ინფორმაციას დაადასტურებს. დაცვის და ბრალდების მხარესაც მასთან კითხვები ექნება. ახვლედიანს გარკვეული პირების მიმართ მაიდენტიფიცირებელი ჩვენება მიცემული ჰქონდა. მისი ინფორმაცია ღირებულია, წარმოადგენს ბრალდების მხარის დამადასტურებელ მტკიცებულებას, რადგან ის დაზარალებულია თავდასხმის დროს, თავდასხმის განვითარებას, პირების რაოდენობას აღწერს", - განაცხადა გუგუტიშვილმა.