ფეხბურთელ გიორგი შაქარაშვილის საქმეზე ბრალდებული არასრულწლოვნების სასამართლო პროცესზე მცხეთის რაიონულ სასამართლოში დაზარალებული ვახტანგ ახვლედიანი იკითხება.
სასამართლო პროცესის დაწყებამდე მას ჟურნალისტებთან კომენტარი არ გაუკეთებია. ახვლედიანის ადვოკატის, კახა წერეთლის განცხადებით, მისი დაცვის ქვეშ მყოფი ისაუბრებს იმ გარემოებების შესახებ, რაც მისთვის ცნობილია.
"ვახო ახვლედიანი დაიკითხება იმ გარემოებებთან დაკავშირებით, რაზეც ის მანამდე დაკითხული იყო, ბუნებრივია, ის დააკონკრეტებს მის მიერ მიცემულ ჩვენებებს", -განაცხადა წერეთელმა.