ირაკლი შოთაძემ დისკრიმინაციის ნიშნით შეუწყნარებლობის მოტივით ჩადენილ დანაშაულებზე სპეციალიზებულ პროკურორებს სერტიფიკატები გადასცა

საქართველოს გენერალურ პროკურატურაში დისკრიმინაციის ნიშნით შეუწყნარებლობის მოტივით ჩადენილ დანაშაულებზე სპეციალიზებულ პროკურორებთან შეხვედრა გაიმართა. ინფორმაციას გენერალური პროკურატურა ავრცელებს.

ღონისძიება საქართველოს გენერალურმა პროკურორმა ირაკლი შოთაძემ და ევროპის საბჭოს საქართველოს ოფისის ხელმძღვანელმა ნატალია ვუტოვამ გახსნეს.

“საქართველოს გენერალურმა პროკურორმა შეუწყნარებლობის მოტივით ჩადენილი დანაშაულის საქმეებზე სპეციალიზებულ პროკურორებს კურსის წარმატებით გავლა მიულოცა, სერტიფიკატები გადასცა და იმედი გამოთქვა, რომ პროფესიონალთა სპეციალიზაციის პროცესი და სახელმწიფოს თანმიმდევრული მიდგომა მნიშვნელოვნად გაზრდის შეუწყნარებლობის მოტივით ჩადენილი დანაშაულის წინააღმდეგ ბრძოლის ეფექტიანობას.

როგორც შეხვედრაზე ირაკლი შოთაძემ განაცხადა, შეუწყნარებლობის მოტივით ჩადენილი დანაშაულის საქმეებზე სპეციალიზაციის განხორციელება უმნიშვნელოვანესი პროცესია, რაც პირდაპირ აისახება საპროკურორო საქმიანობის ხარისხის ამაღლებასა და დაზარალებულთა ინტერესების დაცვაზე. მისი თქმით, შეუწყნარებლობის მოტივით ჩადენილი დანაშაულის წინააღმდეგ ეფექტიანი ბრძოლა, პრევენციული მექანიზმების დახვეწა, სისტემის წარმომადგენელთა კვალიფიკაციის ამაღლება საქართველოს პროკურატურისთვის მნიშვნელოვან პრიორიტეტს წარმოადგენს.

გენერალური პროკურორის ბრძანებით, 2020 წლის 1 სექტემბრიდან შეუწყნარებლობის მოტივით ჩადენილი დანაშაულის საქმეებზე საპროცესო უფლებამოსილებას პრიორიტეტულად სპეციალიზებული პროკურორები და პროკურატურის გამომძიებლები ახორციელებენ.

ევროპის საბჭოს მხარდაჭერით, პროკურორებისთვის ჩატარდა სპეციალიზაციის ახალი სასწავლო კურსი, შეირჩნენ პროკურორები და პროკურატურის გამომძიებლები, რომლებმაც გაიარეს გადამზადების ინტენსიური კურსები. ამჟამად, სპეციალიზებულია 101 თანამშრომელი, ამათგან 20 მენეჯერია, 77 პროკურორი, ხოლო 4 პროკურატურის გამომძიებელი. სასწავლო პროგრამა ეროვნულ და საერთაშორისო სამართლებრივ ნორმებთან ერთად, დანაშაულის შედეგად დაზარალებულებთან სწორი კომუნიკაციის უნარებსა და ფსიქოლოგიურ ასპექტებს მოიცავს”,- აღნიშნულია ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს