დავით ფურცხვანიძე მოსამართლეს - ნება მომეცით, გამოვიყენო კანონით მინიჭებული დუმილის უფლება

თბილისის საქალაქო სასამართლოში გარდაცვლილი პროგრამისტის, თამარ ბაჩალიაშვილის საქმეზე მტკიცებულებების ფალსიფიკაციისა და ცრუ ჩვენების მიცემის ბრალდებით დაკავებული დავით ფურცხვანიძის სასამართლო პროცესი მიმდინარეობს.

დღევანდელ სასამართლო პროცესზე იმსჯელებენ აღკვეთის ღონისძიების თუ რა სახეობა გამოიყენონ დაკავებულის მიმართ.

სხდომას ესწრება თავად ბრალდებულიც. მან მოსამართლის კითხვაზე, სცნობს თუ არა თავს დამნაშავედ, განაცხადა, რომ დუმილის უფლებით სარგებლობს.

"ნება მომეცით, გამოვიყენო კანონით მინიჭებული დუმილის უფლება", - განაცხადა ფურცხვანიძე.

ბრალდების მხარე დაკავებულის მიმართ მკაცრი აღკვეთის ღონისძიების პატიმრობის გამოყენებას ითხოვს, დაცვის მხარე კი ფურცხვანიძის აღკვეთის ღონისძიების გარეშე დატოვებას.

ცნობისთვის, დავით ფურცხვანიძეს, რომელმაც გარდაცვლილი თამარ ბაჩალიაშვილის ოჯახის უფლებადამცველ მიხეილ რამიშვილს სატელიტური ფოტოები მიაწოდა, გუშინ, მტკიცებულების ფალსიფიკაციის და პირადი მოტივით მართლმსაჯულებისთვის ხელის შეშლის მიზნით, ცრუ ინფორმაციის გავრცელების ბრალდებით დააკავეს.

თავად დავით ფურცხვანიძე აცხადებდა, რომ ის ამერიკის შეერთებულ შტატებში თამარ ბაჩალიაშვილის საქმეზე ალტერნატიული ექპერტიზის ჩასატარებლად მიემგზავრებოდა.

იხილეთ ვიდეო:ე.წ. სატელიტური ფოტოების საქმეზე დაკავებული დავით ფურცხვანიძე დუმილის უფლებას იყენებს

ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ქართული პრესის მიმოხილვა 19.10.2020
ლევან ბოძაშვილი - კავკასიური კვანძი იხსნება და არა საქართველოს სასარგებლოდ, ჩვენთვის ახლა აუცილებლობას წარმოადგენს სრული პოლიტიკური და ინსტიტუციონალური სტაბილურობა