ზურაბ ბენდიანაშვილი „ცხინვალი 1920-ის” შესახებ - ეს ფილმი დაგვიანებული, მაგრამ ძალიან საჭირო დასაწყისია, რომელიც მეცნიერული კვლევებითა და ნაშრომებით უნდა გაგრძელდეს

ეს ფილმი დაგვიანებული, მაგრამ ძალიან საჭირო დასიწყისია, რომელიც მეცნიერული კვლევებითა და ნაშრომებით უნდა გაგრძელდეს, - ასე აფასებს კონფლიქტოლოგი ზურაბ ბენდიანაშვილი ფილმ „ცხინვალი 1920“-ის შექმნის იდეას.

კონფლიქტოლოგის მოსაზრებით, 1920 წლის აჯანყების გენოციდად წარმოჩენას არა მხოლოდ რუსეთი, არამედ სეპარატისტულად განწყობილი ოსებიც ცდილობენ, რომლებიც საზოგადოებრივი აზრის ფორმირებას წარმატებით ახერხებენ.

„თავსმოხვეული დეზინფორმაციული ნარატივების მთელ ნაკადზე, რომელიც ჩვენს წინააღმდეგაა მიმართული, კვალიფიციური პასუხის გაცემაა საჭირო. ეს, უშუალოდ, ცხინვალის ისტორიას ეხება. დეზინფორმაცია მხოლოდ რუსებისგან არ მოდის, ამაში მონაწილეობას იღებენ სეპარატისტულად განწყობილი ოსები, რომელთაც მეცნიერებასთან არავითარი კავშირი არ აქვთ. ისინი შესანიშნავად ახერხებენ ამ პროპაგანდის გატარებას. იქ მეცნიერული ცნება აბსოლუტურად უგულებელყოფილია. როგორც წესი, საზოგადოებაში გარკვეულ თეზისს შემოიტანენ და სასურველი მიმართულებით ავითარებენ, რასაც შემდეგ ყველა იტაცებს...

სამწუხაროდ, ამ თემის ირგვლივ არც ადამიანთა ჯგუფი იყო მობილიზებული არასდროს და არც სახელმიფო რესურსი. ამ ყველაფერს პასუხი აუცილებლად უნდა გაეცეს. რაც შეეხება ამ პასუხის ფორმას, ის მრავალგვარი შეიძლება იყოს. საინტერესო იქნება ერთობლივი ნაშრომიც, რომელსაც ქართველები ოსებთან ერთად შექმნიან. შეგვიძლია, შევთავაზოთ ერთობლივი კვლევა და მათ ჩვენთან ერთად ნახონ, როგორი იქნება სიმართლე.

ძალიან აქტუალური და მნიშვნელოვანია ის, რაც ჩვენმა ძალიან კარგმა მკვლევარებმა გააკეთეს და რასაც ამ ფილმის სახით ვიხილავთ. თავად ფილმის ფორმატი ძალიან კარგია და ფართო წრეებისთვის კლასიკურ ფორმატს წარმოადგენს. როგორც კი იქ სამეცნიერო სივრცე გაჩნდება, აკადემიურად უნდა ვესაუბროთ, მაგრამ ახლა ეს ფილმი მნიშვნელოვანია არა მარტო მათი თვალსაზრისით, არამედ ქართული საზოგადოებისთვისაც, რომელიც შეძლებს, უფრო უკეთ ჩაიხედოს ისტორიაში. ასევე, იმ საერთაშორისო ორგანიზაციებისთვის, რომლებიც ამ პრობლემებზე მუშაობენ და საწყისი ცოდნა სჭირდებათ. რომ შევაჯამოთ, ეს ფილმი დაგვიანებული, მაგრამ ძალიან საჭირო დასიწყისია, რომელიც მეცნიერული კვლევებითა და ნაშრომებით უნდა გაგრძელდეს“, - აცხადებს ზურაბ ბენდიანაშვილი.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დედამიწის დღე 2021: დედამიწის ეკოლოგიური მდგომარეობის აღდგენის უპრეცედენტო შესაძლებლობა
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა