ღრმად შეშფოთებული ვარ მთიან ყარაბაღში საომარი მოქმედებების დაწყებით და მხარეებს ცეცხლის შეწყვეტის, დეესკალაციისა და მოლაპარაკებების განახლებისკენ მოვუწოდებ, - ამის შესახებ აშშ-ის პრეზიდენტობის „დემოკრატი“ კანდიდატის ჯო ბაიდენის მიერ გავრცელებულ განცხადებაშია აღნიშნული.
ბაიდენი „მესამე მხარეებს“ მოუწოდებს, კონფლიქტში ჩარევისგან თავი შეიკავონ, ვინაიდან, მისი განმარტებით, საომარი მოქმედებების ესკალაციამ, შესაძლოა, უფრო დიდი მასშტაბის რეგიონალური კონფლიქტი გამოიწვიოს.
„მთიან ყარაბაღში საომარი მოქმედებების დაწყებას თან ახლავს საფრთხე, რომ უფრო დიდ რეგიონალურ კონფლიქტში გადაიზრდება, რის გამოც რეგიონის მესამე მხარეებმა თავი შორს უნდა დაიჭირონ ამ კონფლიქტისგან“, – აცხადებს ბაიდენი.
მისივე თქმით, პრეზიდენტ დონალდ ტრამპის ადმინისტრაციამ უნდა გააძლიეროს დიპლომატიური ძალისხმევა ეუთოს მინსკის ჯგუფის თანათავმჯდომარეებთან, საფრანგეთთან და რუსეთთან ერთად, და მოძებნოს მშვიდობიანი გამოსავალი და მხარი დაუჭიროს ნდობის აღდგენას.