ირაკლი სესიაშვილი - ჩვენი ოპონენტები არაერთხელ ყოფილან ძალადობის პროვოკატორები, რომლებიც ახდენდნენ დაპირისპირების ინსპირირებას

ჩვენი ოპონენტების სურვილია და მათ ქმედებებშიც გამოიკვეთა, რომ სურთ, პროვოკაციით სიტუაცია დაძაბონ, შექმნან ფონი, თითქოს საარჩევნო პროცესი არამშვიდობიან ვითარებაში მიმდინარეობს,- ასე პასუხობს თავდაცვისა და უშიშროების კომიტეტის თავმჯდომარე ჟურნალისტებთან ოპონენტების ბრალდებებს "ნაციონალური მოძრაობის" მაჟორიტარი დეპუტატობის კანდიდატ ნიკა მელიაზე თავდასხმასა და ბოლნისში მომხდარ ინციდენტთან დაკავშირებით.

სესიაშვილის თქმით, ოპონენტების განცხადებები არა რეალურ ფაქტებს, არამედ მათ პოლიტიკურ ინტერესებს ეფუძნება.

"ჩვენი პარტიის და ხელისუფლების, ქვეყნის ინტერესში შედის, რომ წინასაარჩევნო პერიოდმა რაც შეიძლება მშვიდ ვითარებაში ჩაიაროს. ეს არის ნებისმიერი ხელისუფლების სურვილი, მითუმეტეს, "ქართული ოცნების", რომელსაც სხვა პარტიებთან მიმართებაში მნიშვნელოვანი უპირატესობა აქვს და ჩვენი ინტერესია, რომ პროცესი წარიმართოს ძალადობის გარეშე. ყველას მოვუწოდებ, თავი შეიკავონ პროვოკაციებისგან, პოლიცია და სამართალდამცავი ორგანოები იქნებიან მოწოდების სიმაღლეზე და ნებისმიერ მოძალადე პირთან მიმართებით იქნებიან უმკაცრესნი.

ჩვენი ოპონენტები არაერთხელ ყოფილან ძალადობის პროვოკატორები და ახდენდნენ ამ ძალადობის ინსპირირებას, გაიხსენეთ არაერთი მოვლენა ამ პარლამენტის გარშემო, როცა აგრესიულად ხდებოდა პოლიციასა და ოპონენტებზე ძალადობრივი თავდასხმა. აქედან გამომდინარე, მათი შეფასებები ეფუძნება არა რეალობას, არამედ იმ პოლიტიკურ სურვილებს, რომელიც მათ გააჩნიათ. სახელმწიფოს და ხელისუფლევის სურვილია იყოს მშვიდობა, მითუმეტეს იმ ხელისუფლების, რომელსაც აქვს სერიოზული უპირატესობა ოპონენტებთან მიმართებით. ამიტომ ყველა ასეთი ბრალდება არის პოლიტიკური ინტერესების გამტარებელი და ამას საზოგადოება კარგად ხედავს,“ - განაცხადა სესიაშვილმა.

ცნობისთვის, "ნაციონალური მოძრაობის" ერთ-ერთ ლიდერის, გლდანის მაჟორიტარი დეპუტატობის კანდიდატის, ნიკა მელიას განცხადებით, საარჩევნო შეხვედრაზე ქვები დაუშინეს. ის აღნიშნულს "ქართულ ოცნებას" უკავშირებს.

ამასთან, ძალადობრივ ინციდენტს ჰქონდა ადგილი ბოლნისშიც. სოფელ ნახიდურში დაპირისპირება "ქართული ოცნებისა" და "ნაციონალური მოძრაობის" აქტივისტებს შორის მოხდა. როგორც შსს-ში "ინტერპრესნიუსს" განუცხადეს, მომხდარზე გამოძიება 126-ე მუხლის პირველი პრიმა ნაწილის "ბ" ქვეპუნქტით დაიწყო, რაც გულისხმობს ჯგუფურად ჩადენილ ძალადობას.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია