თბილისის მერის მოადგილემ მთარგმნელთა კონკურსის გამარჯვებულები დააჯილდოვა

თბილისის მერის მოადგილე ანდრია ბასილაიამ, ფესტივალის „პოეზია უპირველეს ყოვლისა“ ფარგლებში, მთარგმნელთა კონკურსის გამარჯვებულები დააჯილდოვა. ამის შესახებ „ინტერპრესნიუსს“ თბილისის მერიიდან აცნობეს.

მერიის ინფორმაციით, ჯემალ აჯიაშვილის სახელობის პრემია გადაეცა მანანა ანთაძეს, გივი შაჰნაზარს, მანანა ცხვედიაშვილს, ერეკლე საღლიანს, ბაღათერ არაბულს, ცისანა ანთაძეს, ბელა შალვაშვილს და ბადრი თევზაძეს, ხოლო ალექსანდრე ელერდაშვილი ზეზვა მედულაშვილის სახელობის პრემიით დაჯილდოვდა. ღონისძიებაზე სამახსოვრო საჩუქრები გადაეცათ წლის რჩეულ იუბილარებს, ხოლო ტარიელ ხარხელაურს გალაკტიონ ტაბიძის სახელობის პრემია მიენიჭა.

ფესტივალზე წარმოდგენილი იყო ქართული პოეზიის ანთოლოგიის ორტომეული, რომელიც საქართველოს განათლების, მეცნიერების, კულტურისა და სპორტის სამინისტროს მხარდაჭერით დაიბეჭდა, ასევე, „ბალადა ვეფხვისა და მოყმისა“, რომელიც აფხაზეთის ავტონომიური რესპუბლიკის კულტურის სამინისტროს მხარდაჭერით 17 ენაზე ითარგმნა.

ფესტივალი 25 სექტემბერს, იმერეთში, ოტია იოსელიანის საიუბილეო ღონისძიებით დაიწყო და 30 სექტემბერს, წყნეთში, ახალგაზრდა პოეტების ლექსების საღამოთი დასრულდება, რომელიც მშვიდობას მიეძღვნება.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა