„ახალგაზრდობის სააგენტომ“ შიდა ქართლისა და მცხეთა–მთიანეთის გაერთიანებული რეგიონული ახალგაზრდული ფორუმი ონლაინ ფორმატში გამართა

„ახალგაზრდობის სააგენტომ" რეგიონული ახალგაზრდული ფორუმების ციკლის ბოლო შეხვედრა ონლაინ ფორმატში გამართა. ამის შესახებ „ინტერპრესნიუსს“ „ახალგაზრდობის სააგენტოდან" აცნობეს.

მათივე ინფორმაციით, ფორუმი აერთიანებდა შიდა ქართლისა და მცხეთა–მთიანეთის რეგიონის ახალგაზრდებს, ახალგაზრდულ ორგანიზაციებსა და სხვა დაინტერესებულ პირებს.

ფორუმის გახსნით ნაწილში, სააგენტოს ხელმძღვანელთან ერთად, გორის, კასპის, ქარელისა და ხაშურის მუნიციპალიტეტში სახელმწიფო რწმუნებულის მოვალეობის შემსრულებელი ნუგზარ სამხარაძე, მცხეთა–მთიანეთის მხარეში სახელმწიფო რწმუნებულის მოვალეობის შემსრულებელი მაცაცო ნარიმანიძე და გაეროს მოსახლეობის ფონდის (UNFPA) საქართველოს ოფისის წარმომადგენელი ნატალია ზაქარეიშვილი მონაწილეობდნენ.

ფორუმების მიზანია „სახელმწიფო ახალგაზრდული სტრატეგია 2025“–ის შემუშავების პროცესში ახალგაზრდების, ახალგაზრდული ორგანიზაციებისა და სხვა დაინტერესებული მხარეების უშუალოდ ჩართვა.

ფორუმზე სააგენტომ ახალგაზრდული სტრატეგიის დოკუმენტის ამ ეტაპზე შემუშავებული ვერსია წარადგინა, რის შემდეგაც ფორუმის მონაწილე ახალგაზრდები რეკომენდაციების შესამუშავებლად თემატურ სამუშაო ჯგუფებში გადანაწილდნენ.

დღევანდელი ღონისძიებით რეგიონული ახალგაზრდული ფორუმების ციკლი დასრულდა, რომელიც საქართველოს 10 რეგიონს მოიცავდა. დასავლეთ საქართველოში 3 ფორუმი ფიზიკურ სივრცეში გაიმართა, აღმოსავლეთ საქართველოში დაგეგმილი 4 ფორუმი კი ეპიდვითარების გათვალისწინებით ონლაინ ფორმატში ჩატარდა.

საერთო ჯამში გამართული 7 მასშტაბური ფორუმიდან, ახალგაზრდებისგან მიღებული რეკომენდაციები შეჯამდება და მომზადდება ანგარიში, რომელსაც სააგენტო "სახელმწიფო ახალგაზრდული სტრატეგიის 2025"-ის შემუშავებისას გაითვალისწინებს.

რეგიონული ახალგაზრდული ფორუმები ევროკავშირის პროექტის „ტექნიკური მხარდაჭერა შრომის ბაზრის საჭიროებებსა და დასაქმებაზე მორგებული ცოდნა-უნარების განვითარებისთვის“ (TA for Skills4Jobs) და გაეროს მოსახლეობის ფონდის (UNFPA) ტექნიკური და ფინანსური მხარდაჭერით მიმდინარეობს.

„სახელმწიფო ახალგაზრდული სტრატეგია 2025“-ი საქართველოს პარლამენტის მიერ, სააგენტოს ჩართულობით შემუშავებული „2020–2030 წლებისთვის საქართველოს ახალგაზრდული პოლიტიკის კონცეფციის“ საფუძველზე იქმნება. დოკუმენტს, რომლიც ქვეყნის ახალგაზრდულ სტრატეგიას მომავალი 5 წლის მანძილზე განსაზღვრავს, ახალგაზრდობის სააგენტო საქართველოში ევროკავშირის პროგრამის Skills4jobs საერთაშორისო ექსპერტის ჩართულობით"',- ნათქვამია ინფორმაციაში.

პატრიარქის სააღდგომო ეპისტოლე
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს