საინვესტიციო საბჭოს თავმჯდომარის მოადგილე ჟან ფრედერიკ პოლსენი - წლის ბოლოს აქტივები, რომელსაც მართავდა საპენსიო სააგენტო, მილიარდ ლარს მიაღწევს

საპენსიო სააგენტოს საინვესტიციო დოკუმენტის პრეზენტაციას საინვესტიციო საბჭოს უცხოელი წევრი და საინვესტიციო საბჭოს თავმჯდომარის მოადგილე ჟან ფრედერიკ პოლსენი პირადად ესწრებოდა. ამის შესახებ „ინტერპრესნიუსს“ საპენსიო სააგენტოდან აცნობეს.

მათივე ცნობით, პოლსენმა განვლილი წელი შეაფასა და დოკუმენტზე მუშაობის პროცესებს შეეხო; მადლიერება გამოხატა პარტნიორების მიმართ რეფორმის ფარგლებში განხორციელებელი ჩართულობისთვის. ჟან ფრედერიკ პოლსენმა საპენსიო სააგენტოს ყველა თანამშრომლის თავდაუზოგავ შრომას გაუსვა ხაზი და იმ სტრუქტურებს, რომლებმაც დიდი წვლილი შეიტანეს უმნიშვნელოვანეს საქმეში.

„წლის ბოლოს აქტივები, რომელსაც მართავდა საპენსიო სააგენტო მილიარდ ლარს მიაღწევს. საინვესტიციო პოლიტიკის დოკუმენტი, რომელიც წარმოდგენილია დღეს, გვაძლევს იდეალურ პლატფორმას, რათა საპენსიო აქტივების სასარგებლოდ შემდგომი ზრდა გავაგრძელოთ. საინვესტიციო საბჭოს სახელით, მინდა განსაკუთრებული მადლობა გადავუხადო ჩვენს პარტნიორებს: აზიის განვითარების ბანკს, მსოფლიო ბანკსა და საფრანგეთის განვითარების სააგენტოს, რომლებიც ამ საქმეში აქტიურად მხარს გვიჭერდნენ. ასევე, მინდა მადლობა გადავუხადო საქართველოს ეროვნულ ბანკს, რომელიც აღნიშნული დოკუმენტის ძირეულ შემოწმებას უზრუნველყოფდა. ასევე, დიდი მადლობა საინვესტიციო საბჭოს წევრებს ბატონო ოვიერს, მარკს და ტიმოს თავდაუზოგავი შრომისთვის,“- განაცხადა ჟან ფრედერიკ პოლსენმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა