დღეიდან ამოქმედებული კრიტერიუმების თანახმად, უსიმპტომო პირს 10 დღის შემდეგ შესაძლოა, გამოჯანმრთელებულის სტატუსი მიენიჭოს

საქართველოს ჯანდაცვის მინისტრის მოადგილის, თამარ გაბუნიას განცხადებით, დღეიდან ამოქმედებული გამოჯანმრთელებულთა კრიტერიუმების მიხედვით, უსიმპტომო პირს 10 დღის შემდეგ შესაძლოა გამოჯანმრთელებულის სტატუსი მიენიჭოს.

სწორედ ამ მიზეზით ახსნა თამარ გაბუნიამ დღეს გამოჯანმრთელებული მოქალაქეების სიმრავლე.

როგორც მან აჭარის მთავრობის სახლში გამართულ ბრიფინგზე განაცხადა, გამოჯანმრთელებული პაციენტების ოდენობა მომდევნო დღეებშიც მაღალი იქნება.

„საწოლფონდის პრობლემა ამ ეტაპზე აჭარაში ნამდვილად არაა. დღეს 110 საწოლია თავისუფალი. ასევე, გეტყვით, რომ ძალიან მაღალი იყო დადასტურებული შემთხვევები სექტემბრის შუარიცხვებიდან. უკვე ორასამდე მივედით. ეს რიცხვები ერთმანეთს დაემატა. გამოჯანმრთელების ახალი კრიტერიუმები ამოქმედდა დღეს დილიდან. რაც ნიშნავს, რომ თუ უსიმპტომოა პირი, 10 დღის გასვლის შემდეგ მას შესაძლოა გამოჯანმრთელებულის სტატუსი მიენიჭოს. აქ საქმე გვაქვს გამოჯანმრთელების სტატუსის მინიჭებასთან, როცა 2 ან 3 დღის ინფიცირებულებს ერთდროულად მიენიჭათ გამოჯანმრთელების სტატუსი და ამდენად ეს მაჩვენებელი მაღალია. მომდევნო რამდენიმე დღის განმავლობაში ასევე მაღალი იქნება გამოჯანმრთელებულების მაჩვენებლები, რადგან მაღალი იყო გასული 10-12 დღის განმავლობაში ინფიცირებულების ოდენობა“, - განაცხადა გაბუნიამ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია