სომხეთის აგრესიის შედეგად დაიღუპა 16 და დაშავდა 55 მშვიდობიანი მოქალაქე, - ამის შესახებ ინფორმაციას აზერბაიჯანული მედია ქვეყნის გენერალურ პროკურატურაზე დაყრდნობით ავრცელებს.
მათივე ინფორმაციით, სომხეთის შეიარაღებული ძალები მძიმე საარტილერიო ტექნიკის გამოყენებით სამოქალაქო ინფრასტრუქტურაზე თავდასხმას განაგრძობს.
„საარტილერიო თავდასხმის შედეგად მნიშვნელოვნად დაზიანდა 136 სახლი, 36 სამოქალაქო ობიექტი და სამოქალაქო პირების საკუთრებაში არსებული ავტომობილები, განადგურდა უამრავი მსხვილფეხა და წვრილფეხა საქონელი,“- აცხადებენ აზერბაიჯანის გენერალურ პროკურატურაში.