საპენსიო აქტივებმა 1 მილიარდ ლარს გადააჭარბა

დღეისათვის, დაგროვებითი პენსიით 484-მა ადამიანმა ისარგებლა, - ამის შესახებ „ინტერპრესნიუსს“ „საპენსიო სააგენტოდან“ აცნობეს.

მათი ცნობით, საპენსიო ასაკის შესრულების საფუძვლით ისარგებლა- 223 მონაწილემ, საზღვარგარეთ მუდმივად საცხოვრებლად გადასვლის გამო - 1-მა, შეზღუდული შესაძლებლობების მქონე პირის სტატუსის საფუძვლით - 201-მა, ხოლო მემკვიდრის უფლებით ისარგებლა - 59 პირმა.

„საპენსიო სქემაში ჩართულთა რაოდენობა ყოველდღიურად იზრდება და ბოლო სამი თვის მანძილზე საშუალოდ 12 000-ზე მეტია. საპენსიო დანაზოგებს უკვე დაერიცხა 100 მილიონ ლარამდე სარგებელი. საპენსიო აქტივები განთავსებულია ეფექტურ წლიურ 11.1%-ში“,-აღნიშნავენ სააგენტოში.