ახლახანს გვეუბნეოდა სააკაშვილი, რომ საქართველოში კულტურა შემოიტანა და დავით აღმაშენებელს გაუტოლა თავი, დავით აღმაშენებლიდან სულგუნზე ჩამოსვლა მგონი, ცუდად ახასიათებს მას,- ასე პასუხობს პარლამენტის პირველი ვიცე-სპიკერი გია ვოლსკი კითხვას, თუ როგორ აფასებს მიხეილ სააკაშვილის განცხადებას სულგუნისა და ტყემლის საერთაშორისო ბაზარზე გატანის აუცილებლობის შესახებ.

მისი თქმით, მსგავსი განცხადებები სააკაშვილისგან კომიკურად ჟღერს.

„საერთოდ, საქართველოს აქვს ისეთი პროდუქტები, რომელიც ახასიათებს ჩვენი სამზარეულოს თვითმყოფადობას და ამით მნიშვნელოვნად ცნობილია, მათ შორის ღვინით და სხვა პროდუქტებით, მაგრამ სააკაშვილისგან ეს კომიკურად ჟღერს, რადგან სულ ახლახანს გვეუბნეოდა, რომ საქართველოში კულტურა შემოიტანა და დავით აღმაშენებელს გაუტოლა თავი. დავით აღმაშენებლიდან სულგუნზე ჩამოსვლა მგონი, ცუდად ახასიათებს ამ პოლიტიკურ ლიდერს“, - განაცხადა ვოლსკიმ.