სერგი კაპანაძე - აშკარაა, რომ უცხოელი პარტნიორების შეფასებებზე გავლენა ექნება ხელისუფლების მხრიდან ძალადობას

„ევროპული საქართველოს“ საარჩევნო შტაბის ხელმძღვანელი სერგი კაპანაძე წინასაარჩევნო პერიოდში ძალადობის ფაქტებთან დაკავშირებით აშშ-ის ელჩის, კელი დეგნანის განცხადებას ეხმაურება.

სერგი კაპანაძის თქმით, ეს განცხადება კარგი სიგნალია ხელისუფლების წარმომადგენლებისათვის, რომ ამგვარი ტიპის ძალადობა შეწყვიტონ. კაპანაძის თქმით, ეს განცხადება მიანიშნებს იმაზე, რომ უცხოელი პარტნიორები ყურადღებით აკვირდებან საარჩევნო პროცესს და ასეთ ფაქტებს გავლენა ექნება მათ საბოლოო შეფასებაზე.

„ჩვენ ვნახეთ აშშ-ის ელჩის განცხადება, რომელიც ეხება ბოლო პერიოდში საქართველოში მომრავლებულ ინციდენტებს და თავდასხმებს ოპოზიციის წარმომადგენლებზე. ეს განცხადება უნდა იყოს კარგი სიგნალი ხელისუფლებისათვის, მათ თუ ოდნავ მაინც პასუხისმგებლობის გრძნობა შერჩათ, უნდა შეწყვიტონ ესეთი ტიპის ქმედებები, იმიტომ, რომ ჯერ ერთი, არაფერი არ გამოუვათ, ამით ისინი ფონს ვერ გავლენ და ნებისმიერ შემთხვევაში დამარცხდებიან და მეორე, აშკარაა, რომ ჩვენი პარტნიორები ყურადღებით უყურებენ აქ მიმდინარე პროცესებს და აშკარაა, რომ მათ შეფასებებზე გავლენა ექნება ასეთი ტიპის ძალადობას ხელისუფლების მხრიდან,“ - განაცხადა სერგი კაპანაძემ.

კაპანაძის აღნიშნულ განცხადებას „ევროპული საქართველო“ ავრცელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს