„ბილაინის“ მხარდაჭერით „NASA Space Apps Challenge საქართველო“ ჩატარდა და გამარჯვებულები გამოვლინდნენ

საერთაშორისო ჯგუფ „ვიონი“-ს წევრი, "ბილაინი" მსოფლიოში ყველაზე ფართომასშტაბიანი საერთაშორისო ჰაკათონის ადგილობრივი კონკურსის მხარდამჭერი უკვე მეორედ არის. Tbilisi Startup Bureau -სა და ილიას უნივერსიტეტის მიერ ერთობლივად ორგანიზებული შეჯიბრი საქართველოში ონლაინ, 2 – 4 ოქტომბერს ჩატარდა.

NASA Space Apps Challenge მსოფლიოს 225 სხვადასხვა ადგილას, 48 საათის განმავლობაში მიმდინარეობს და მიზნად ისახავს ისეთი ინოვაციური იდეების გენერირებას, რომლებიც კაცობრიობას გლობალური პრობლემების გადაწყვეტაში დაეხმარება. NASA Space Apps Challenge -ში მონაწილეობა შეუძლია ნებისმიერ ადამიანს, ვინც დაინტერესებულია დედამიწისა და კოსმოსის კვლევით, ასევე კოდირებით, ტექნოლოგიებით, დიზაინითა და სხვა გამოყენებითი მეცნიერებებით. წელს NASA -ს განსაზღვრული ჰქონდა 22 გამოწვევა, რომელიც 6 კატეგორიაში განაწილდა: დაკვირვება, ინფორმირება, შენარჩუნება, შექმნა, დაპირისპირება, დაკავშირება. გამარჯვებულმა გუნდებმა ფულადი პრიზები მიიღეს და ახლა NASA -ს გლობალური ჯილდოს კონკურსში მონაწილეობენ.

ჟიურის გადაწყვეტილებით, პირველ ადგილზე გუნდი Fire Detectors გავიდა, რომელსაც ილიას სახელმწიფო უნივერსიტეტის სტუდენტები წარმოადგენენ: კარლო თევზაძე, მარიამ შერეშაშვილი და გიორგი ტყებუჩავა. ჰაკათონის მეორე გამარჯვებული გუნდი The Two Degrees გახდა, რომელიც ოთხ მეთერთმეტე კლასელ სკოლის მოსწავლეს აერთიანებს: დავით დომუზაშვილი, ნიკა სვანიძე, ნიკა გაფრინდაშვილი და ალექსანდრე ლაშქარავა.

„პრობლემის გადაჭრის რამდენიმე გზა დავსახეთ, რომელიც ერთ საერთო მიზნამდე მიდიოდა იქამდე აღმოეჩინა ხანძრის კერა ჩვენ მიერ შექმნილი ბადეს მეშვეობით, სანამ ხანძარი პატარა მასშტაბს გაცდებოდა ზოგ შემთხვევაში, გაჩენამდეც ევარაუდა და დაკვირვება გაეძლიერებინათ ამ წერტილებში. პროექტი მიზნად ისახავს პროგრამული უზრუნველყოფის შექმნას, რომელიც დაამუშავებს წარსულ მონაცემებს ხანძრებთან მიმართებაში ლოკაციების მიხედვით, ასევე, გაითვალისწინებს ამინდის პროგნოზს, წელიწადის დროს, კვირის დღეებს, ტყის განაშენიანების არეას, ტურისტულ მარშრუტებს და ა.შ. ყველა იმ დეტალს რომელსაც ეფექტის მოხდენა შეეძლება ხანძრის წარმოშობასთან დაკავშირებით“,- აღნიშნავს Fire Detectors -ის წევრი, მარიამ შერეშაშვილი.

„ჩვენ გვჯერა, რომ ემისიების სტატისტიკის ლოკალურ დონეზე დაყვანა ერთ-ერთი უმნიშვნელოვანესი ნაბიჯია კლიმატის ცვლილების შეჩერებისკენ. ჩვენი პროექტის მიზანია დავეხმაროთ რეგიონალურ მთავრობებს კლიმატის ცვლილების მიტიგაციის ღონისძიებების განხორციელებაში და საქართველოს GHG ემისიების პარიზის ხელშეკრულების მიხედვით 25%-ით შემცირებაში. პროექტი მოიცავს კოდს, რომელიც მარტივად შეიძლება იქნეს გამოყენებული სხვა ქვეყნების ემისიების რეგიონალიზაციისთვის “, - აცხადებს დავით დომუზაშვილი, The Two Degrees -ს წევრი.

„ბილაინი“ აქტიურად აგრძელებს საქართველოში სტარტაპ ეკოსისტემისა და ინოვაციების განვითარების მხარდაჭერას და მომართულია ახალგაზრდებისთვის ახალი შესაძლებლობების გაჩენასა და მათი მისწრაფებების სტიმულირებაზე. Tbilisi Startup Bureau -სა და „ბილაინს“ შორის თანამშრომლობა NASA Space Apps Challenge -ის ფარგლებში პირველად 2019 წლის ოქტომბერში შედგა.

აღნიშნულ ინფორმაციას „ბილაინის“ საზოგადოებასთან ურთიერთობის სამსახური ავრცელებს.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)