თბილისის ინფექციურ საავადმყოფოში კორონავირუსით ინფიცირებული 10 ბავშვი მკურნალობს, მათგან ოთხი 1 წლამდე ასაკისაა
ინფექციური საავადმყოფოს ბოქსირებული განყოფილების ხელმძღვანელის მარინა ენდელაძის განცხადებით, მათ ცენტრში მოთავსებული 41 პაციენტიდან 10 ბავშვია. როგორც მან „ინტერპრესნიუსს“ განუცხდა, მათგან 4 ერთ წლამდე ასაკისაა.
„სულ 10 ბავშვია, მათ შორის 4 ერთ წლამდე ასაკისაა. პაციენტების ჯანმრთელობის მდგომარეობა მსუბუქი, თითქმის დამაკმაყოფილებელია“,-აცხადებს ენდელაძე.
ცნობისთვის, საქართველოში კორონავირუსის 549 ახალი შემთხვევა გამოვლინდა და ინფიცირების შემთხვევათა რაოდენობა 9245-ს შეადგენს.
გარდა ამისა, საქართველოში ბოლო 24 საათში კორონავირუსისგან კიდევ 4 პაციენტი გარდაიცვალა და მათი რაოდენობა 58-მდე გაიზარდა.
