არჩილ თალაკვაძე დიდი ბრიტანეთისა და ჩრდილოეთ ირლანდიის გაერთიანებული სამეფოს ახლად დანიშნულ ელჩს შეხვდა

საქართველოს პარლამენტის თავმჯდომარემ, არჩილ თალაკვაძემ დიდი ბრიტანეთისა და ჩრდილოეთ ირლანდიის გაერთიანებული სამეფოს ახლად დანიშნულ საგანგებო და სრულუფლებიან ელჩთან, მარკ კლეიტონთან შეხვედრა გამართა. ინფორმაციას პარლამენტის პრესსამსახური ავრცელებს.

გაცნობითი ხასიათის შეხვედრაზე ორ ქვეყანას შორის არსებული მჭიდრო პოლიტიკური და მეგობრული კავშირები მიმოიხილეს და საპარლამენტთაშორისო თანამშრომლობის მნიშვნელობაზე გაამახვილეს ყურადღება.

ხაზი გაესვა საქართველო-ბრიტანეთის უორდროპის სტრატეგიული დიალოგის მნიშვნელობას პოლიტიკური, თავდაცვისა და სხვადასხვა სექტორული მიმართულებით კავშირების გაღრმავების საქმეში. საუბარი შეეხო გლობალურ პანდემიას და იმ უარყოფით ეფექტს, რომელიც კოვიდ 19-მა ქვეყნებზე მოახდინა. აღინიშნა დიდი ბრიტანეთისა და საქართველოს მიერ მიღწეული წარმატება კორონავირუსთან ბრძოლაში. მხარეების თქმით, კრიზისის შემდგომ სავაჭრო-ეკონომიკური თანამშრომლობის გააქტიურება ორმხრივი ურთიერთობების ერთ-ერთი პრიორიტეტული მიმართულებაა.

არჩილ თალაკვაძემ ხაზგასმით აღნიშნა გაერთიანებული სამეფოს წვლილი საქართველოს დემოკრატიული განვითარების პროცესში და ელჩს მადლობა გადაუხადა გაერთიანებული სამეფოს მხრიდან საქართველოს ტერიტორიული მთლიანობისა და დასავლური მისწრაფებების მტკიცე მხარდაჭერისთვის. არჩილ თალაკვაძემ მარკ კლეიტონს სამომავლო საქმიანობაში წარმატებები უსურვა და თანამშრომლობისთვის მზადყოფნა დაადასტურა.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“