ადამიანის უფლებათა ევროპული სასამართლო თურქეთს მოუწოდებს, თავი შეიკავოს სამხედრო ქმედებებისგან მთიანი ყარაბაღის კონფლიქტში. ეს გადაწყვეტილება სასამართლომ 6 ოქტომბერს მიიღო.

თურქეთის წინააღმდეგ სასწრაფო ზომების მიღების თხოვნით სომხეთმა ევროპულ სასამართლოს 4 ოქტომბერს მიმართა.

სასამართლოს განცხადებით, 29 სექტემბერს უკვე მოუწოდა აზერბაიჯანსა და სომხეთს სამხედრო მოქმედებებისგან თავი შეიკავონ, რამაც შეიძლება გამოიწვიოს ადამიანის უფლება დარღვევა მოსახლეობაში.

ამჯერად სასამართლო აღნიშნავს კონფლიქტის ესკალაციის საკითხს და ხაზგასმით აცხადებს, რომ გადაწყვიტა, გამოიყენოს სასამართლოს რეგლამენტის 39-ე წესი.

სასამართლო მოუწოდებს ყველა სახელმწიფოს, რომელიც პირდაპირ ან ირიბად არის ჩართული კონფლიქტში, მათ შორის თურქეთს, თავი შეიკავონ ქმედებებისგან, რომლებიც არღვევს სამოქალაქო მოსახლეობის კონვენციით სამოქალაქო პირთა უფლებებს.