სამეანო-ნეონატალური საქმიანობის ნებართვის მქონე 13 სტაციონარულ დაწესებულებას განმეორებით პერინატალური რეგიონალიზაციის დონე განესაზღვრა

სამეანო-ნეონატალური საქმიანობის ნებართვის მქონე 13 სტაციონარულ დაწესებულებას, განმეორებით პერინატალური რეგიონალიზაციის დონე განესაზღვრა. ამის შესახებ ინფორმაციას საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს.

მათივე ინფორმაციით, აღნიშნული გადაწყვეტილება, სამინისტროში გამართულ, „პერინატალური სამსახურების რეგიონალიზაციის დონეების შეფასების საკოორდინაციო ჯგუფის“ სხდომაზე მიიღეს.

,,სამედიცინო და ფარმაცევტული საქმიანობის რეგულირების სააგენტომ, შეისწავლა ჯანდაცვის მინისტრის 2015 წლის 15 იანვრის N01-2/ნ ბრძანებით განსაზღვრული, პერინატალური რეგიონალიზაციის დონისადმი წაყენებულ მოთხოვნებთან, ზემოაღნიშნული დაწესებულებების შესაბამისობის საკითხი. შესწავლა განხორციელდა როგორც დოკუმენტურად, ასევე ადგილზე, სამუშაო ვიზიტებით.

ამ ეტაპზე, პერინატალური რეგიონალიზაციის დონის მოქმედების ვადების გათვალისწინებით, შესწავლილ იქნა 13 სამედიცინო დაწესებულება. სააგენტოს მიერ განხორციელებული შესწავლის შედეგებზე დაყრდნობით, საბჭომ, განმეორებით პერინატალური რეგიონალიზაციის დონის განსაზღვრასთან დაკავშირებით, ცამეტივე დაწესებულების მოთხოვნა დააკმაყოფილა“, - ნათქვამია ინფორმაციაში.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს