მედეა მეტრეველი - გიგი გიგიაძის მისამართით გაკეთებული შეფასებები საჯარო სამსახურში დასაქმებულებზე ზეწოლასა და დაშინებას ისახავს მიზნად

„ლელო საქართველოსთვის“ ერთ-ერთი ლიდერის მედეა მეტრეველის განცხადებით, დანიის სამეფოში საქართველოს ელჩის გიგი გიგიაძის მისამართით გაკეთებული შეფასებები მიზნად ისახავს საჯარო სამსახურში დასაქმებულ ადამიანებზე ზეწოლასა და დაშინებას.

მისი თქმით, საჯარო სამსახურში მუშაობენ პროფესიონალი და ღირსეული ადამიანები, რომლებსაც მხარდაჭერა სჭირდებათ.

„დანიის სამეფოში საქართველოს სრულუფლებიანი ელჩი გიგი გიგიაძე ჩემთვის სწორედ ასეთი მაღალი კატეგორიის საჯარო მოხელეა და მეამაყება, რომ ასეთი ელჩი ჰყავს საქართველოს ევროპაში. გიგის მხარდამჭერმა პოსტმა, თავის კოლეგის ივერი მელაშვილის დაპატიმრებასთან დაკავშირებით, „ოცნების“ ხელისუფლების მონური მორჩილებით გამორჩეული ვაიექსპერტების წყრომა დაიმსახურა. გია აბაშიძის შეფასება, რომლითაც ის გიგის განცხადებას გამოეხმაურა - როგორც ორჯერ ორი ოთხიაო , ასეთი ნაბიჯების გამო თანამდებობებს ტოვებენო - სხვა არაფერია თუ არა ღია მუქარა არა მხოლოდ გიგის, არამედ ყველა საჯარო მოხელის მიმართ, რომლებიც საკუთარი აზრისა და კოლეგის მიმართ სოლიდარობის გამოხატვის გამო შესაძლოა „დაისაჯოს“. ეს არის ზეწოლა თავისუფალ და ღირსების მქონე ადამიანებზე, სისტემის მხრიდან გაფრთხილება და მიზნად ისახავს წინასაარჩევნოდ საჯარო მოხელეების ტოტალურ დაშინებას. სოლიდარობისგან დაცლილ საზოგადოებად ვერასოდეს გვაქცევთ, ღირსებას ვერ შეგვილახავთ და ოქტომბრის თვეში დასრულდებით როგორც ორჯერ ორი ოთხია,”- აცხადებს მედეა მეტრეველი.

განცხადებას „ლელო საქართველოსთვის“ პრესსამსახური ავრცელებს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა