თეა ახვლედიანი - სამწუხაროდ, პანდემიის დროსაც არ შეჩერებულა დესტრუქციული ქმედებები საოკუპაციო რეჟიმის მხრიდან

შერიგებისა და სამოქალაქო თანასწორობის საკითხებში სახელმწიფო მინისტრის, თეა ახვლედიანის განცხადებით, ოკუპირებულ აფხაზეთში ე.წ. აფხაზეთის სახელმწიფო დროშის დაწვის გამო დაკავებული ირაკლი ბებუას ჯანმრთელობას საფრთხე არ ემუქრება.

როგორც სახელმწიფო მინისტრმა ჟურნალისტებთან საუბრისას აღნიშნა, პანდემიის დროსაც არ შეჩერებულა დესტრუქციული ქმედებები საოკუპაციო რეჟიმის მხრიდან.

„რა თქმა უნდა, სამწუხაროდ, პანდემიის დროსაც არ შეჩერებულა დესტრუქციული ქმედებები საოკუპაციო რეჟიმის მხრიდან, რომელიც ვლინდება სხვადასხვა სახით, მათ შორის, ბორდერიზაციით და ჩვენი მშვიდობიანი მოქალაქეების უკანონოდ დაკავების მხრივ. ამ შემთხვევაში ჩვენ გვყავს რამდენიმე დაკავებული მოქალაქე ცხინვალის რეგიონში, ასევე ოკუპირებულ აფხაზეთში, მათ შორისაა - ირაკლი ბებუა. ასეთი შემთხვევების დროს ჩვენ დაუყოვნებლივ ვრეაგირებთ ჩვენს ხელთ არსებული ყველა ბერკეტის გამოყენებით. რაც შეეხება კონკრეტულად ირაკლი ბებუას მდგომარეობას, ყოველდღიურად ვიღებთ ინფორმაციას მის შესახებ და ამ ეტაპზე მის ჯანმრთელობას საფრთხე არ ემუქრება", - განაცხადა მინისტრმა.

შეგახსენებთ, 30 სექტემბერს, ოკუპირებული აფხაზეთის, გალის რაიონში საქართველოს მოქალაქე ირაკლი ბებუა აფხაზეთის ე.წ. დროშის დაწვის გამო დააკავეს.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს