მიხეილ ჩხენკელმა ფეხბურთელთა ნაკრებს ბელარუსთან გამარჯვება მიულოცა
საქართველოს განათლების, მეცნიერების, კულტურისა და სპორტის მინისტრი, მიხეილ ჩხენკელი, საქართველოს ფეხბურთელთა ეროვნულ ნაკრებს ბელარუსის ნაკრებთან მოპოვებულ გამარჯვებას ულოცავს.
„საქართველოს ეროვნულ საფეხბურთო ნაკრებს ვულოცავ ევროპის ჩემპიონატის საკვალიფიკაციო ეტაპის პლეი-ოფის ნახევარფინალში მოპოვებულ ისტორიულ გამარჯვებას!
ბელარუსის ნაკრებთან დღევანდელი მოგება მართლაც რომ განსაკუთრებით დასაფასებელია.
ახლა, დასახულ მიზანს მხოლოდ ერთი გამარჯვება გვაშორებს. მჯერა, ბოლომდე იბრძოლებთ და ნოემბერში გადამწყვეტი თამაშის მოგებასაც შეძლებთ.
გისურვებთ წარმატებას პლეი-ოფის ფინალურ შეხვედრაში, ერთად გვეზეიმოს ევროპის ჩემპიონატზე გასვლა!“, - განაცხადა მიხეილ ჩხენკელმა.
ცნობისთვის, საქართველოს ნაკრებმა, 8 ოქტომბერს "დინამო არენაზე" გამართულ ევროპის ჩემპიონატის საკვალიფიკაციო ეტაპის პლეი-ოფის ნახევარფინალში მეტოქე 1:0 დაამარცხა და 2021 წლის ევროპის ჩემპიონატზე მოსახვედრად კიდევ ერთი ნაბიჯი გადადგა.
ინფორმაციას საქართველოს განათლების, მეცნიერების, კულტურისა და სპორტის სამინისტრო ავრცელებს.
v-if="article.gallery" v-html="article.gallery"
