წმიდა ანდრია პირველწოდებულის სახელობის ქართულ უნივერსიტეტში სასულიერო პირების და დიპლომატიური კორპუსის წარმომადგენლების შეხვედრა მიმდინარეობს

საქართველოს საპატრიარქოს წმიდა ანდრია პირველწოდებულის სახელობის ქართულ უნივერსიტეტში სასულიერო პირების და საქართველოში არსებული დიპლომატიური კორპუსის, საერთაშორისო ორგანიზაციების წარმომადგენლების შეხვედრა მიმდინარეობს.

შეხვედრაზე რამდენიმე საკითხზე იქნება საუბარი, მათ შორის გაკეთდება მოხსენებები: "საქართველოს საპატრიარქო და საერთაშორისო თანამეგობრობა" , "ინტერრელიგიური დიალოგის ხელშეწყობა საქართველოში", "სახელმწიფო-საეკლესიო ურთიერთობის გამოწვევები და ძირითადი ასპექტები".

შეხვედრაში მონაწილეობენ: საქართველოში ევროკავშირის წარმომადგენელი კარლ ჰარცელი, ევროპის საბჭოს ოფისის ხელმძღვანელი ნატალია ვუტოვა, ევროპის ფონდის, გაეროს მოსახლეობის ფონდის, აშშ-ს საერთაშორისო განვითარების სააგენტოს,გერმანიის საერთაშორისო თანამშრომლობის საზოგადოების, ასევე სხვა ქვეყნების საელჩოებისა და საერთაშორისო ორგანიზაციების წარმომადგენლები.

ამასთან, შეხვედრას ესწრებიან: პროფესორი, წმიდა ანდრია პირველწოდებულის სახელობის ქართული უნივერსიტეტის რექტორი სერგო ვარდოსანიძე, ბოდბელი მთავარეპისკოპოსი მეუფე იაკობი, სრულიად საქართველოს კათოლიკოს-პატრიარქის ტახტის მოსაყდრე, ქორეპისკოპოსი, სენაკისა და ჩხოროწყუს მიტროპოლიტი მეუფე შიო, საქართველოს საპატრიარქოს საგარეო ურთიერთობის განყოფილების თავმჯდომარე, ზუგდიდისა და ცაიშის მიტროპოლიტი მეუფე გერასიმე, საპატრიარქოს საზოგადოებასთან ურთიერთობის სამსახურის ხელმძღვანელი დეკანოზი ანდრია ჯაღმაიძე, პროტოპრესვიტერი, საპატრიარქოს თბილისის სასულიერო აკადემიისა და სემინარიის რექტორი, პროფესორი გიორგი ზვიადაძე.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია