შაქარაშვილის საქმეზე ბრალდებულმა, „ტოიოტა ქამრის“ მძღოლმა ვასილ მახარაძემ ნაფიც მსაჯულთა სასამართლოზე უარი განაცხადა
ჩვენ ვირჩევთ ნაფიც მსაჯულთა სასამართლოს, - ამის შესახებ ფეხბურთელ გიორგი შაქარაშვილის საქმეზე დაკავებულმა ვახტანგ ჩიქოვანმა სასამართლო პროცესზე განაცხადა.
ნაფიც მსაჯულთა სასამართლოს მიერ საქმის განხილვასთან დაკავშირებით პოზიცია დააფიქსირა კიდევ სამმა ბრალდებულმა.
"იქიდან გამომდინარე, რომ ვარ უდანაშაულო, ვირჩევ ნაფიც მსაჯულთა სასამართლოს", -განაცხადა რევაზიშვილმა.
ნაფიც მსაჯულთა სასამართლოზე უარი განაცხადა „ტოიოტა ქამრის“ მძღოლმა ვასილ მახარაძემ.
მისი საქმის ნაფიც მსაჯულთა სასამართლოს მიერ განხილვას დაეთანხმა მორაგბე არჩილ გაგნიძეც.
ცნობისთვის, ფეხბურთელ გიორგი შაქარაშვილის საქემზე დაკავებულ 11 პირს ძალადობას, ძალადობის ორგანიზებას, მასში მონაწილეობასა და თავისუფლების უკანონო აღკვეთას ედავებიან. სწორედ თავისუფლების უკანონო აღკვეთა ითვალისწინებს საქმის ნაფიც მსაჯულთა სასამართლოს მიერ განხილვას. ბრალდებულების ნაწილს გური ამირხანაშვილის თავისუფლების უკანონო აღკვეთას ედავებიან.
v-if="article.gallery" v-html="article.gallery"
