შსს-ში, ზოგადსაგანმანათლებლო დაწესებულებებსა და საზოგადოებრივი ტრანსპორტში დასაქმებულ პირებს ტესტირება შემთხვევითი შერჩევით, ეპიდემიოლოგიური ვითარების გათვალისწინებით ჩაუტარდებათ

შინაგან საქმეთა სამინისტროში, ზოგადსაგანმანათლებლო დაწესებულებებსა და საზოგადოებრივი ტრანსპორტში დასაქმებულ პირებს კორონავირუსით გამოწვეულ ინფექციაზე ტესტირება შემთხვევითი შერჩევით, ეპიდემიოლოგიური ვითარების გათვალისწინებით ჩაუტარდებათ. ამის შესახებ კორონავირუსით გამოწვეულ ინფექციაზე სავალდებულო ტესტირებას დაქვემდებარებულ პრიორიტეტულ პირთა ნუსხისა და ჩატარების წესის დამტკიცების შესახებ“ საქართველოს მთავრობის 2020 წლის 15 ივნისის №975-ე განკარგულებაში ცვლილებების შეტანის თაობაზე საქართველოს მთავრობის მიერ გამოცემულ განკარგულებაშია ნთქვამია.

„კორონავირუსით გამოწვეულ ინფექციაზე სავალდებულო ტესტირებას დაქვემდებარებულ პირებს განეკუთვნებიან: სტრატეგიული დანიშნულების ორგანიზაციებსა და სამსახურებში (საქართველოს შინაგან საქმეთა სამინისტროში, ზოგადსაგანმანათლებლო დაწესებულებებში, საზოგადოებრივ ტრანსპორტში და სხვა) დასაქმებული რანდომულად შერჩეული პირები, რომლებსაც ტესტირება ეპიდემიოლოგიური მდგომარეობიდან გამომდინარე, ეროვნული ცენტრის მიერ განსაზღვრული მეთოდოლოოგიით ჩაუტარდებათ,“- ნათქვამია განკარგულებაში.

საქართველოს მთავრობის 2020 წლის 15 ივნისის №975-ე განკარგულებით, ცვლილებების შეტანამდე, შინაგან საქმეთა სამინისტროს თანამშრომლები და საზოგადოებრივ ტრანსპორტში დასაქმებული პირები ექვემდებარებოდნენ ტესტირებას გეგმურად 14 დღეში ერთხელ. ზოგადსაგანმანათლებლო დაწესებულებების თანამშრომლები, ამ დრომდე სავალდებულო ტესტირებას არ ექვემდებარებოდნენ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს