ირაკლი აბესაძე გიორგი კაკაურიძეს - თქვენ რეალურად, შექმენით ვალების ეკონომიკა

თქვენ რეალურად შექმენით ვალების ეკონომიკა, - ასე მიმართა „ევროპული საქართველოს“ წევრმა, ირაკლი აბესაძემ, ფინანსთა მინისტრის მოადგილეს, გიორგი კაკაურიძეს, პარლამენტში, „ევროპული საქართველოს" ფრაქციების სხდომაზე, 2021 წლის ბიუჯეტის პროექტის განხილვისას.

ირაკლი აბესაძის განცხადებით, ხელისუფლებამ პანდემიის დროს 8 მილიარდი ლარი და ბიუჯეტის პროექტით კიდევ 3,2 მილიარდი ლარის ვალი აიღო, საბოლოოდ კი ამან შესაძლოა გამოიწვიოს ის, რომ ვალმა გადააჭარბოს მთლიანი შიდა პროდუქტის 60%-ს, რაც არღვევს ეკონომიკური თავისუფლების სახით გათვალისწინებულ მეორე პარამეტრს.

აბესაძის თქმით, ქართულმა ოცნებამ რეალურად საქართველოს ეკონომიკა ვალების ეკონომიკად გადააქცია.

“მინდა, შევეხო ერთ მნიშვნელოვან საკითხს, სახელმწიფო ვალი, რომელიც ნომინალურ მაჩვენებელში თითქმის გააორმაგეთ და უფრო მეტად გაზარდეთ, უფრო სწორად და ეკონომიკასთან მიმართებაშიც თითქმის გააორმაგეთ. ყველანაირი ნიშნული გადალახეთ, წელს აიღეთ 8 მილიარდი ვალი, გასაგებია, რომ პანდემიას აბრალებთ ამას, მომავალ წელს იღებთ დამატებით 3,2 მილიარდ ლარს ვალად და ადიხართ 57%-ზე ეკონომიკასათან მიმართებით, ოღონდ თუ იქნება 5%-იანი ზრდა, რომელიც თქვენ დაგეგმილი გაქვთ და თუ ეს 5%-იანი ზრდა ვერ იქნება, მაშინ დიდი ალბათობით, შეიძლება დაგერღვეთ ასევე მეორე პარამეტრი ეკონომიკური თავისუფლების სახით გათვალისწინებული, როდესაც ვალი გადააჭარბებს ჩვენი მთლიანი ეკონომიკის 60%-ს და რეალურად ვიქნებით მართლაც ვალების ეკონომიკა, რომლისგანაც „გათავისუფლებას“ ივანიშვილი 2012 წელს ჰპირდებოდა მოსახლეობას“, – განაცხადა აბესაძემ.

აღნიშნულ კომენტარს „ევროპული საქართველოს“ პრესსამსახური ავრცელებს.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს