მევლუთ ჩავუშოღლუ შვედ კოლეგას - ერთხელ მაინც რატომ არ გააკრიტიკეთ საბერძნეთი?

თურქეთის საგარეო საქმეთა მინისტრმა მევლუთ ჩავუშოღლუმ და მისმა შვედმა კოლეგამ ან ლინდემ პრესკონფერენციაზე, ერთმანეთის მისამართით, ბრალდებები გაცვალეს.

ან ლინდეს გვერდით მდგომმა ჩავუშოღლუმ მინისტრს უსაყვედურა, თუ რატომ მოუწოდა სტოკჰოლმმა თურქეთს სირიიდან ჯარების გაყვანისკენ. მანვე შვედეთი ქურთი „ბოევიკების“ მხარდაჭერაში დაადანაშაულა. ასევე საბერძნეთის მიერ მიგრანტებისადმი შესაძლო, მკაცრი მოპყრობის გამო, დუმილში ამხილა.

„აი, რის შესახებ მინდოდა მეკითხა: ვისი სახელით საუბრობთ, რომ თურქეთი უნდა გავიდეს სირიიდან, ანდა აფრთხილებთ თურქეთს? თუკი ასეთი მგრძნობიარე ბრძანდებით ადამიანის უფლებებისადმი, ერთხელ მაინც რატომ არ გააკრიტიკეთ საბერძნეთი?“ , - მიმართა ან ლინდეს მევლუთ ჩავუშოღლუმ.

ან ლინდემ ჩავუშოღლუს საყვედურს უპასუხა სიტყვებით: „მე თქვენი სტუმარი ვარ. აქ დებატებს არ გავმართავდი. მე უბრალოდ ვიმედოვნებ, რომ თურქეთში ყველას ექნება შესაძლებლობა გამოხატოს საკუთარი შეხედულებები ისევე ღიად, როგორც ამას აკეთებთ თქვენ, მინისტრი“, - განაცხადა ლინდემ, რითაც თურქეთს სიტყვის თავისუფლების პრობლემის შესახებ მიანიშნა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს